Hum se Muhammad bin Bashar ne byaan kiya , unhon ne kaha ke hum se Ghundar ne byaan kiya , kaha ke hum se Shubah ne byaan kiya , un se Hakam ne , un se Ali bin Husain (Zain-ul-Abideen) ne aur un se Marwan bin Hakam ne byaan kiya ke Uthman aur Ali razi Allahu anhuma ko maine dekha hai . Uthman razi Allahu anhu Hajj aur Umrah ko ek saath ada karne se rokte thay lekin Ali razi Allahu anhu ne is ke bawajood dono ka ek saath ahram baandha aur kaha «labbaika bi-umratin wa-hajjatin» Aap ne farmaya tha ke main kisi ek shakhs ki baat par Rasool Allah salla Allahu alaihi wasallam ki hadees ko nahi chhor sakta .