Hum se Abu Bakr Abdullah Humaidi ne byaan kiya , kaha ke hum se Waleed aur Bishr bin Bakr Tanisi ne byaan kiya , unhon ne kaha ke hum se Imam Awzai ne byaan kiya , kaha ke hum se Yahya bin Abi Kaseer ne byaan kiya , un se Ikrimah ne byaan kiya , unhon ne Abdullah bin Abbas razi Allahu anhuma se suna , woh byaan karte thay ke maine Umar razi Allahu anhu se suna , in ka byaan tha ke maine Rasool Allah salla Allahu alaihi wasallam se Wadi-e-Aqeeq mein suna . Aap salla Allahu alaihi wasallam ne farmaya tha ke raat mere paas mere Rabb ka ek Farishta aaya aur kaha ke is ”mubarak wadi“ mein namaaz parh aur elaan kar ke Umrah Hajj mein shareek ho gaya .