Allah Ta'ala ka (Surah At-Tauba mein) irshad hai ke Aap in ke maal se khairat lijaiye jis ke zariya Aap unhein paak karein . Aur in ka tazkiyah karein . Aur in ke haq mein khair o barkat ki dua karein . Aakhir aayat tak .

Hum se Hafs bin Umar ne byaan kiya , kaha ke hum se Shubah ne Amru bin Murrah se byaan kiya ‘ un se Abdullah bin Abi Awfa razi Allahu anhu ne byaan kiya ke jab koi qaum apni zakat le kar Rasool Allah salla Allahu alaihi wasallam ki khidmat mein hazir hoti to Aap salla Allahu alaihi wasallam in ke liye dua farmate «allahumma salli ala aali fulaan» ae Allah! Aal-e-falan ko khair o barkat ata farma ‘ mere walid bhi apni zakat le kar hazir hue to Aap salla Allahu alaihi wasallam ne farmaya «allahumma salli ala aali abi awfa» ae Allah! Aal-e-Abi Awfa ko khair o barkat ata farma .