Aur Umar razi Allahu anhu ne kaha ke donon taraf ke bojhay aur beech ka bojh kya achhe hain . Yani Surah al-Baqarah ki is aayat mein khushkhabri suna sabr karne walon ko jin ko museebat aati hai to kehte hain hum sab Allah hi ki milk hain aur Allah hi ke paas jaane wale hain . Aise logon par un ke maalik ki taraf se rahmatein hain aur meherbaniyan aur yehi log rasta paane wale hain . Aur Allah ne Surah al-Baqarah mein farmaya sabr aur namaaz se madad maango . Aur woh namaaz bohat mushkil hai magar Allah se darne walon par mushkil nahin .

Hum se Muhammad bin Bashar ne byaan kiya ‘ unhon ne kaha ke hum se Ghundar ne byaan kiya ‘ un se Shubah ne un se Thabit ne , unhon ne byaan kiya ke main ne Anas razi Allahu anhu se suna . Aap Nabi Karim salla Allahu alaihi wasallam ke hawala se naqal karte thay ke Aap salla Allahu alaihi wasallam ne farmaya sabr to wahi hai jo sadma ke shuru mein kiya jaye .