Aur Aban ne kaha hum se Malik bin Dinar ne byaan kiya , un se Qasim bin Muhammad ne aur un se Aisha razi Allahu anha ne ke Nabi Karim salla Allahu alaihi wasallam ne in ke saath in ke bhai Abdul Rahman ko bheja aur unhon ne Aisha razi Allahu anha ko Tan'eem se Umrah karaya aur palan ki pichli lakri par in ko bitha liya . Umar razi Allahu anhu ne farmaya ke Hajj ke liye palanein baandhon kyunke yeh bhi ek jihad hai .

Muhammad bin Abi Bakr ne byaan kiya ke hum se Zaid bin Zuray ne byaan kiya , kaha ke hum se Azrah bin Thabit ne byaan kiya , un se Sumamah bin Abdullah bin Anas ne byaan kiya ke Anas razi Allahu anhu ek palan par Hajj ke liye tashreef le gaye aur Aap bukhil nahi thay . Aap ne byaan kiya ke Nabi Karim salla Allahu alaihi wasallam bhi palan par Hajj ke liye tashreef le gaye thay , isi par Aap ka asbab bhi lada hua tha .

Hum se Amru bin Ali Fallas ne byaan kiya , kaha ke hum se Abu Asim ne byaan kiya , kaha ke hum se Aiman bin Nabil ne byaan kiya . Kaha ke hum se Qasim bin Muhammad ne byaan kiya aur un se Aisha razi Allahu anha ne ke unhon ne kaha Ya Rasool Allah! Aap logon ne to Umrah kar liya lekin main na kar saki . Is liye Nabi Karim salla Allahu alaihi wasallam ne farmaya Abdul Rahman apni behen ko le ja aur unhein Tan'eem se Umrah kara la . Chunanche unhon ne Aisha razi Allahu anha ko apne oont ke peeche bitha liya aur Aisha razi Allahu anha ne Umrah ada kiya .