Aur Qayamat ke din hum theek tarazu rakkhein ge aur aadmiyon ke aamal aur aqwal in mein tolay jayein ge . Mujahid ne kaha ke «qistaasun» ka lafzh jo Quran Shareef mein aaya hai Roomi zaban ka lafzh hai is ke maani ”tarazu“ ke hain . «qistun» bil-kasar masdar hain «muqsitun» ka , «muqsitun» ke maani ”aadil“ aur ”munsif“ ke hain aur Surah al-Jinn mein jo «qaasitoona» ka lafzh aaya hai woh «qaasitun» ki jama hai murad ”zhahlim“ aur ”gunahgar“ hain .

Hum se Ahmad bin Ishkaab ne bayan kiya, kaha hamase Muhammad bin Fuzhail ne, in se Ammarah bin Qaq-qaa ne, unhon ne Abu Zurah se, unhon ne Abu Hurairah razi Allahu anhuse unhon ne kaha ke Nabi kareem salla Allahu alaihi wasallam ne farmaya ”do kalme aise hain jo Allah Tabarak wa Ta'ala ko bahut hi pasand hain jo zaban par halke hain aur Qayamat ke din aamal ke tarazu mein bojhal aur ba-wazhan hon ge, woh kalmat e mubaraka yeh hain «sub-haanallaahi wa bi-hamdihee, sub-haanallaahil-azheemi» .