Hum se Abdullah bin Yusuf Tinnisi ne bayan kiya , unhon ne kaha ke humein Imam Malik ne Ibn Shihab Zuhri se khabar di , unhon ne Ata bin Yazid Laithi se , unhon ne Abu Saeed Khudri raziyallahu anhu se , unhon ne Rasool Allah salla Allahu alaihi wa sallam se ke jab tum azan suno to jis tarah moazzin kehta hai isi tarah tum bhi kaho .

Hum se Muaz bin Fazala ne bayan kiya , unhon ne kaha ke hum se Hisham Dastawai ne Yahya bin Abi Kathir se bayan kiya , woh Muhammad bin Ibrahim bin Harith se kaha ke mujh se Isa bin Talha ne bayan kiya ke unhon ne Muawiya bin Abi Sufyan se ek din suna aap jawab mein moazzin ke hi alfaz ko dohra rahe thay . Ash-hadu anna Muhammadan Rasool Allah tak . Hum se Ishaq bin Rahwayh ne bayan kiya , kaha ke hum se Wahb bin Jarir ne bayan kiya , kaha ke hum se Hisham Dastawai ne Yahya bin Abi Kathir se isi tarah hadees bayan ki .

Yahya ne kaha ke mujh se mere baaz bhaiyon ne hadees bayan ki ke jab moazzin ne hayya ala as-salat kaha to Muawiya raziyallahu anhu ne la hawla wa la quwwata illa billah kaha aur kehne lage ke hum ne Nabi Karim salla Allahu alaihi wa sallam se aisa hi kehte suna hai .