Hum se Ali bin Abdullah Madini ne bayan kiya, kaha hum se Sufyan ne bayan kiya, in se Amr bin Dinar ne bayan kiya ke main ne Jabir bin Abdullah raziAllahu anhuma se suna, unhon ne bayan kiya ke jab Rasool Allah salla Allahu alaihi wasallam par yeh aayat nazil hui «qul huwal-qaadiru alaaa ay-yab-asa alaikum azhaabam-min fauqikum» ke ”kahye ke woh is par qadir hai ketum par tumhare oopar se azab bheije.“ To Nabi Karim salla Allahu alaihi wasallam ne kaha ke main tere ba-azhmat wa buzurg munh ki panah maangta hoon. «au min tahti arjulikum» ”ya tumhare paon ke neeche se“ (azab bheije) to is par phir Nabi Karim salla Allahu alaihi wasallam ne kaha ke main tere mubarak munh ki panah maangta hoon, phir jab yeh aayat nazil hui «au yalbisakum shiy-an-wa yuzheeqa ba-dhakum ba-sa ba-dhin» ke ”ya tumhein firqon mein taqseem kar de aur tum mein se baaz ko baaz ka khauf chakhaye“ to Aap salla Allahu alaihi wasallam ne farmaya ke yeh donon aasaan wa sah-hal hain.