Aur (Surah al-Maida mein) Allah Ta'ala ka farman «fa-kaffaarat-hu it'aamu asharati masaakeena» aur yeh ke jab yeh aayat nazil hui to Nabi Karim salla Allahu alaihi wasallam ne hukm diya ke phir roze ya sadqa ya qurbani ka fidya dena hai aur Ibn Abbas razi Allahu anhuma aur Ata wa Ikrimah se manqool hai ke Quran Majeed mein jahan «au au» (bamaani ya) ka lafz aata hai to is mein ikhtiyar batana maqsud hota hai aur Nabi Karim salla Allahu alaihi wasallam ne Kabb razi Allahu anhu ko fidya ke muamla mein ikhtiyar diya thu (ke miskeenon ko khana khilayein ya ek bakre ka sadqa karein).

Hum se Ahmad bin Yunus ne bayan kiya, kaha hum se Abu Shihab Abdullah bin Nafi ne bayan kiya, in se Ibn Aun ne, in se Mujahid ne, in se Abd-ul-Rahman bin Abi Layla ne, in se Kabb bin Ujrah razi Allahu anhu ne bayan kiya ke main Nabi Karim salla Allahu alaihi wasallam ki khidmat mein hazir hua to Nabi Karim salla Allahu alaihi wasallam ne farmaya ke qareeb ho ja, main qareeb hua to Aap salla Allahu alaihi wasallam ne poochha kiya tumhare sar ke kapre takleef de rahe hain? Main ne arz kiya, ji haan, Nabi Karim salla Allahu alaihi wasallam ne farmaya ke phir roze sadqa ya qurbani ka fidya de-de. Aur mujhe Ibn Aun ne khabar di, in se Ayub ne bayan kiya ke roze teen din ke hon ge aur qurbani ek bakri ki aur (khane ke liye) chhah miskeen hon ge.