Hum se Muhammad bin Ubaid bin Maymoon ne bayan kiya , unhon ne kaha hum se Esa bin Yunus ne bayan kiya , in se Amr bin Saeed ne bayan kiya , unhon ne kaha mujhko Ibn Abi Mulaykah ne khabar di , unhein Aisha razi Allahu anha ke ghulam Abu Amr Zhakwan ne khabar di ke Umm al-Momineen Aisha Siddiqa razi Allahu anha kaha karti thien ke Rasool Allah salla Allahu alaihi wasallam (ki wafat ke waqt) Aap ke samne ek bada pani ka piyala rakkha hua tha jis mein pani tha . Yeh Amr ko shubha hua ke haandi ka kounda thu . Nabi Karim salla Allahu alaihi wasallam apna hath is bartan mein daalte aur phir is hath ko apne chehre par malte aur farmate Allah ke siwa koi mabood nahi , bilashubha maut mein takleef hoti hai , phir Aap apna hath utha kar farmane lage «fir-rafeeqil-a'laa» yahan tak ke Aap ki rooh mubarak qabz ho gayi aur Aap ka hath jhuk gaya .

Mujh se Sadaqah ne bayan kiya , kaha hum ko Abdah ne khabar di , unhein Hisham ne , unhein in ke walid ne aur in se Aisha razi Allahu anha ne bayan kiya ke chand badwi jo nange paon Rasool Allah salla Allahu alaihi wasallam ke paas aate thay aur Aap se daryaft karte thay ke Qayamat kab aaye gi ? Nabi Karim salla Allahu alaihi wasallam in mein se kam umr wale ko dekh kar farmane lage ke agar yeh bacha zinda raha to is ke burhape se pehle tum par tumhari Qayamat aa jaye gi . Hisham ne kaha ke Nabi Karim salla Allahu alaihi wasallam ki murad (Qayamat se) in ki maut thi .

Hum se Ismail ne bayan kiya , kaha ke mujh se Imam Malik ne bayan kiya , in se Muhammad bin Amr Hal-halah ne , in se Saad bin Kabb bin Malik ne , in se Abu Qatadah bin Rabee Ansari razi Allahu anhu ne , woh bayan karte thay ke Rasool Allah salla Allahu alaihi wasallam ke qareeb se log ek janaza le kar guzre to Nabi Karim salla Allahu alaihi wasallam ne farmaya ke «mustaree-hun» ya «mustaraahun» hai yani usay aaram mil gaya , ya is se aaram mil gaya . Sahabah ne arz kiya: ya Rasool Allah! ”Mustaree-h au Mustaraa-h minhu“ ka kya matlab hai ? Nabi Karim salla Allahu alaihi wasallam ne farmaya ke momin banda duniya ki mashaq-qaton aur takleefon se Allah ki rahmat mein najat pa jaata hai woh «mustaree-hun» hai aur «mustaraahun» minhu woh hai ke fajir banda se Allah ke bande , shehar , darakht aur chaupaye sab aaram pa jaate hain .

Musaddad ne bayan kiya , kaha hum se Yahya ne bayan kiya , in se Abd-u-Rabbihi bin Saeed ne , in se Muhammad bin Amr ne bayan kiya , in se Talha bin Kabb ne bayan kiya , in se Abu Qatadah ne aur in se Nabi Karim salla Allahu alaihi wasallam ne farmaya ke yeh marne wala ya to aaram paane wala hai ya doosre bandon ko aaram dene wala hai .

Hum se Humaydi ne bayan kiya , kaha hum se Sufyan ne bayan kiya , kaha hum se Abdullah bin Abi Bakr bin Amr bin Hazm ne bayan kiya , unhon ne Anas bin Malik razi Allahu anhu se suna , unhon ne bayan kiya ke Rasool Allah salla Allahu alaihi wasallam ne farmaya ”may-yit ke saath teen cheezin chalti hain do to wapas aa jaati hain sirf ek kaam is ke saath reh jata hai , is ke saath is ke ghar wale is ka maal aur is ka amal chalta hai is ke ghar wale aur maal to wapas aa jaata hai aur is ka amal is ke saath baqi reh jaata hai .“

Hum se Abu al-Nu-man ne bayan kiya , kaha hum se Hammad bin Zayd ne bayan kiya , in se Ayub Sakhtiyani ne , in se Nafi ne aur in se Abdullah bin Umar razi Allahu anhuma ne bayan kiya ke Rasool Allah salla Allahu alaihi wasallam ne farmaya ”jab tum mein se koi marta hai to subah o shaam (jab tak woh barzhakh mein hai) is ke rehne ki jagah usay har roz dikhayi jaati hai ya dozakh ho ya jannat aur kaha jata hai ke yeh tere rehne ki jagah hai yahan tak ke tu uthaya jaye (yani Qayamat ke din tak) .“

Hum se Ali bin Jad ne bayan kiya , kaha hum ko Shubah bin Hajjaj ne khabar di , unhein Aamash ne , unhein Mujahid ne aur in se Aisha razi Allahu anha ne bayan kiya ke Nabi Karim salla Allahu alaihi wasallam ne farmaya ”jo log mar gaye un ko bura na kaho kyunke jo kuch unhon ne aage bheja thu is ke paas woh khud pahunch chuke hain , unhon ne bure bhale jo bhi amal kiye thay waisa badla pa liya .“