Kyunke Allah ne farmaya hai «awalam nu-am-mirkum maa yatazhakkaru feehi man tazhak-kara wa jaa-akum-un-nazheeru» ”kya hum ne tumhein itni umr nahi di thi ke jo shakhs is mein nasihat haasil karna chahta kar laita aur tumhare paas daraanay wala aaya , phir bhi tum ne hosh se kaam nahi liya .“

Hum se Abd-ul-Salam bin Mutahhar ne bayan kiya , unhon ne kaha hum se Umar bin Ali bin Ata ne bayan kiya , in se Maan bin Muhammad Ghifari ne , in se Saeed bin Abi Saeed Muqbiri ne aur in se Abu Hurairah razi Allahu anhu ne bayan kiya ke Nabi Karim salla Allahu alaihi wasallam ne farmaya ”Allah Ta'ala ne is aadmi ke uzhr ke silsile mein hujjat tamam kar di jis ki maut ko muakh-khar kiya yahan tak ke woh saath saal ki umr ko pahunch gaya .“ Is riwayat ki mutabia-t Abu Hazim aur Ibn Ajlan ne Muqbiri se ki .

Hum se Ali bin Abdullah Madini ne bayan kiya , unhon ne kaha hum se Abu Safwan Abdullah bin Saeed ne bayan kiya , unhon ne kaha hum se Yunus ne bayan kiya , in se Ibn Shihab ne bayan kiya ke hum ko Saeed bin al-Musayyab ne khabar di aur in se Abu Hurairah razi Allahu anhu ne bayan kiya ke main ne Rasool Allah salla Allahu alaihi wasallam se suna , Nabi Karim salla Allahu alaihi wasallam ne farmaya ”burhay insan ka dil do cheezon ke baare mein hamesha jawan rehta hai , duniya ki mohabbat aur zindagi ki lambi umeed .“ Layth ne bayan kiya ke mujh se Yunus ne bayan kiya aur Yunus ne Ibn Shihab se bayan kiya ke mujhe Saeed aur Abu Salamah ne khabar di .

Hum se Muslim bin Ibrahim ne bayan kiya , unhon ne kaha hum se Hisham bin Urwah ne bayan kiya , in se Qatadah ne bayan kiya aur in se Anas bin Malik razi Allahu anhu ne bayan kiya ke Rasool Allah salla Allahu alaihi wasallam ne farmaya ”insan ki umr barhti jaati hai aur is ke saath do cheezin is ke andar barhti jaati hain , maal ki mohabbat aur umr ki darazi .“ Is ki riwayat Shubah ne Qatadah se ki hai .