Hum se Ismail bin Abdullah ne bayan kiya , unhon ne kaha ke mujh se Malik bin Anas ne bayan kiya , in se Ishaq bin Abdullah bin Abi Talha ne aur in se Anas bin Malik razi Allahu anhu ne bayan kiya ke main Abu Ubaidah , Abu Talha aur Ubayy bin Kabb razi Allahu anhum ko kachi aur paki khajoor se tayyar ki hui sharab pila raha thu ke ek aane wale ne aa kar bataya ke sharab haram kar di gayi hai . Is waqt Abu Talha razi Allahu anhu ne kaha ke Anas utho aur sharab ko baha do chunanche main ne usay baha diya .

Hum se Musaddad ne bayan kiya , kaha hum se Mamar ne bayan kiya , in se un ke walid ne ke main ne Anas razi Allahu anhu se suna , unhon ne bayan kiya ke ek qabila mein khara main apne chachaon ko khajoor ki sharab pila raha thu main in mein sab se kam umr thu . Kisi ne kaha ke sharab haram kar di gayi . In hazrat ne kaha ke ab usay phenk do . Chunanche hum ne sharab phenk di . Main ne Anas razi Allahu anhu se poochha ke woh kis cheez ki sharab banti ku ? Farmaya ke taza paki hui aur kachi khajooron ki . Abu Bakr bin Anas ne kaha ke in ki sharab (khajoor ki) hoti ku to Anas razi Allahu anhu ne is ka inkar nahi kiya aur mujh se mere baaz as-hab ne bayan kiya ke unhon ne Anas razi Allahu anhu se suna , unhon ne bayan kiya ke is zamana mein in ki sharab aksar kachi aur paki khajoor se tayyar ki jati ku .

Hum se Muhammad bin Abi Bakr Muqaddami ne bayan kiya , unhon ne kaha hum se Yusuf Abu Mashar Bara ne bayan kiya , unhon ne kaha ke main ne Saeed bin Abdullah se suna , unhon ne kaha ke mujh se Bakr bin Abdullah ne bayan kiya aur unhon ne kaha ke mujh se Anas bin Malik razi Allahu anhu ne bayan kiya ke jab sharab haram ki gayi to woh kachi aur pukhta khajooron se tayyar ki jati ku .