Hum se Abu al-Nuayman ne bayan kiya , unhon ne kaha hum se Hammad bin Zayd ne bayan kiya , in se Abbas Jareeri ne bayan kiya , in se Abu Usman Nahdi ne bayan kiya aur in se Abu Hurairah razi Allahu anhu ne bayan kiya ke ek din Nabi Karim salla Allahu alaihi wasallam ne apne sahabah ko khajoor taqseem ki aur har shakhs ko saat khajoorein dein . Mujhe bhi saat khajoorein inayat farmayein . In mein ek kharab ku (aur sakht ku) lekin mujhe wahi sab se zyada achhi maloom hui kyunke is ka chabana mujhko mushkil ho gaya .

Hum se Abdullah bin Muhammad Musandi ne bayan kiya , kaha hum se Wahb bin Jareer ne bayan kiya , in se Shubah ne bayan kiya , in se Ismail bin Abi Khalid ne , in se Qays bin Abi Hazim ne aur in se Saad bin Abi Waqqas razi Allahu anhu ne bayan kiya ke main ne apne aap ko Nabi Karim salla Allahu alaihi wasallam ke saath in saat aadmiyon mein se saatwan paya (jinhon ne Islam sab se pehle qabool kiya thu) is waqt hamare paas khane ke liye yahi keekar ke phal ya patte ke siwa aur kuch nahi hota . Yeh khate khate hum logon ka pakhana bhi bakri ki meingniyon ki tarah ho gaya thu ya ab yeh zamana hai ke Bani Asad qabile ke log mujhko shariat ke ahkam sikhlate hain . Agar main abhi tak is haal mein hoon ke Bani Asad ke log mujhko shariat ke ahkam sikhlayein tab to main tabah hi ho gaya meri mehnat barbad ho gayi .

Hum se Qutaybah bin Saeed ne bayan kiya , unhon ne kaha hum se Yaqoob ne bayan kiya , in se Abu Hazim ne bayan kiya ke main ne Sahl bin Saad razi Allahu anhu se poochha , kiya Nabi Karim salla Allahu alaihi wasallam ne kabhi maida khaya thu ? Unhon ne kaha ke jab Allah Ta'ala ne Nabi Karim salla Allahu alaihi wasallam ko Nabi banaya is waqt se wafat tak Nabi Karim salla Allahu alaihi wasallam ne maida dekha bhi nahi thu . Main ne poochha kiya Nabi Karim salla Allahu alaihi wasallam ke zamana mein Aap ke paas chhalniyaan thien . Kaha ke jab Allah Ta'ala ne Nabi Karim salla Allahu alaihi wasallam ko Nabi banaya is waqt se Aap ki wafat tak Nabi Karim salla Allahu alaihi wasallam ne chhalni dekhi bhi nahi . Bayan kiya ke main ne poochha Aap log phir baghair chhina hua jau kistarah khate thay ? Batlaya hum usay pees lete thay phir usay phoonkte thay jo kuch urna hota urr jata aur jo baqi reh jata usay goondh lete (aur paka kar) kha lete thay .

Mujh se Ishaq bin Ibrahim ne bayan kiya , unhein Rauh bin Ubadah ne khabar di , in se Ibn Abi Zib ne bayan kiya , in se Saeed Maqburi ne aur in se Abu Hurairah razi Allahu anhu ne ke woh kuch logon ke paas se guzre jin ke samne bhuni hui bakri rakkhi ku . Unhon ne un ko khane par bulaya lekin unhon ne khane se inkar kar diya aur kaha ke Rasool Allah salla Allahu alaihi wasallam is duniya se rukhwat ho gaye aur Aap ne kabhi jau ki roti bhi aasooda ho kar nahi khayi .

Hum se Abdullah bin Abi al-Aswad ne bayan kiya , kaha hum se Maaz bin Hisham ne bayan kiya , in se un ke walid ne bayan kiya , in se Yunus bin Abi al-Furat ne , in se Qatadah ne aur in se Anas bin Malik razi Allahu anhu ne ke Nabi Karim salla Allahu alaihi wasallam ne kabhi meiz par khana nahi khaya aur na tashtari mein do char qism ki cheezin rakh kar khayein aur na kabhi chapati khayi . Main ne Qatadah se poochha , phir Aap kis cheez par khana khate thay ? Batlaya ke sufra (chamre ke dastar-khwan) par .

Hum se Qutaybah bin Saeed ne bayan kiya , kaha hum se Jareer bin Abdul Hameed ne bayan kiya , in se Mansoor ne , in se Ibrahim Nakhai ne , in se Aswad bin Yazid ne aur in se Aisha razi Allahu anha ne ke Madinah Hijrat karne ke baad Aal e Muhammad salla Allahu alaihi wasallam ne kabhi barabar teen din tak gehoon ki roti pait bhar kar nahi khayi yahan tak ke Aap duniya se tashreef le gaye .