‏‏‏‏ Mujahid ne kaha «la tuqaddimoo» ka matlab yeh hai ke Nabi Karim salla Allahu alaihi wasallam ke samne barh kar baatein na karo . (balkay adab se «qaalallahu wa qaalar-rasoolu» suna karo) yahan tak ke jo hukm Allah ko dena hai woh apne Rasool ki zaban se tumhein pahunchaye . «imtahana» ka maani saaf kiya , parakh liya . «la tanaabazhu bil-alqaabi» ka maani yeh hai ke Musalman hone ke baad phir is ko kafir , Yahudi ya Esaayi keh kar na pukaro . «la yalitkum» tumhara sawab kuch kam nahi kare ga Surah at-Toor mein «wa ma alatnaahum» is liye hai ke hum ne un ke amal ka sawab kuch kam nahi kiya .

Hum se Saeed Bin Talid ne bayan kiya, kaha hum se Ibn Wahb ne bayan kiya, kaha ke mujhe Jarir Bin Hazim ne khabar di, unhein Ayub ne aur unhein Muhammad Bin Sireen ne aur un se Abu Hurairah (Radi Allahu Anhu) ne bayan kiya ke Nabi Kareem (Sallallahu Alaihi Wasallam) ne bayan farmaya "Ek kutta ek kunvein ke charon taraf chakkar kaat raha tha jaise pyas ki shiddat se is ki jaan nikal jane wali ho ke Bani Israel ki ek zaniya aurat ne ise dekh liya. Is aurat ne apna mouza utar kar kutte ko pani pilaya aur is ki maghfirat isi amal ki wajah se ho gayi
."