Hum se Muhammad bin Bashar ne byaan kiya , kaha ke hum se Abdul Wahab Thaqafi ne byaan kiya , kaha ke hum se Ubaidullah Umri ne byaan kiya , un se Nafi ne aur un se Ibn Umar razi Allahu anhuma ne ke Nabi Karim salla Allahu alaihi wasallam ke saamne Eid ul-Fitr aur Eid al-Adha ki namaaz ke liye barchhi aage aage uthayi jati aur woh Eidgah mein Aap salla Allahu alaihi wasallam ke saamne gaar di jati Aap salla Allahu alaihi wasallam isi ki aar mein namaaz parhte .

Hum se Ishaq bin Mansoor ne bayan kiya , kaha hum se Abdullah bin Numair ne kaha ke hum se Ubaidullah bin Umar ne Nafi ke wastay se bayan kiya . Unhon ne Abdullah bin Umar raziyallahu anhuma se ke Rasool Allah salla Allahu alaihi wa sallam jab eid ke din Madina se bahar tashreef le jate to chhote neeza barchha ko garhne ka hukm dete woh jab aap salla Allahu alaihi wa sallam ke aage gar diya jata to aap salla Allahu alaihi wa sallam is ki taraf rukh kar ke namaz parhte aur log aap salla Allahu alaihi wa sallam ke peechay khare hote . Yahi aap salla Allahu alaihi wa sallam safar mein bhi kiya karte thay . Musalmanon ke khulafa ne isi wajah se barchha sath rakhne ki aadat bana li hai .

Hum se Musaddad bin Musarhad ne bayan kiya , kaha hum se Yahya bin Saeed Qattan ne Ubaidullah ke wastay se bayan kiya , kaha mujhe Nafi ne Abdullah bin Umar raziyallahu anhuma ke wastay se khabar di ke Nabi Karim salla Allahu alaihi wa sallam ke liye barchha gar diya jata aap salla Allahu alaihi wa sallam is ki taraf namaz parhte thay .

Hum se Adam bin Abi Iyas ne bayan kiya , kaha hum se Shoba ne bayan kiya , kaha ke hum se Awn bin Abi Juhaifa ne bayan kiya , kaha ke mein ne apne walid Abu Juhaifa Wahb bin Abdullah se suna unhon ne kaha ke Rasool Allah salla Allahu alaihi wa sallam dopahar ke waqt bahar tashreef laye . Aap salla Allahu alaihi wa sallam ki khidmat mein wudu ka pani pesh kiya gaya , jis se aap salla Allahu alaihi wa sallam ne wudu kiya . Phir humein aap salla Allahu alaihi wa sallam ne zuhr ki namaz parhayi aur asr ki , aap salla Allahu alaihi wa sallam ke samne anza gar diya gaya tha aur auraten aur gadhe par sawar log is ke peechay se guzar rahe thay .

Hum se Ishaaq bin Mansoor ne byaan kiya , unhon ne kaha ke hamein Jafar bin Awn ne khabar di , unhon ne kaha ke ham se Abul Umays ne byaan kiya , unhon ne Awn bin Abi Hujayfah se Abu Hujayfah ke wastay se byaan kiya , kaha ke main ne Rasool Allah salla Allahu alayhi wasallam ko Abtah mein dekha ke Bilal haazir huay aur Aap salla Allahu alayhi wasallam ko namaaz ki khabar di phir Bilal razi Allahu anhu barchhi le kar aage barhe aur usay Aap salla Allahu alayhi wasallam ke saamne (bator sutrah) maqaam Abtah mein gaarh diya aur Aap salla Allahu alayhi wasallam ne (us ko sutrah bana kar) namaaz parhayi .

Hum se Ibrahim bin al-Munzir Hizami ne byaan kiya , kaha ke hum se Waleed bin Muslim ne byaan kiya , kaha ke hum se Abu Amr Awzai ne byaan kiya , kaha ke hum se Nafi ne Ibn Umar razi Allahu anhuma se byaan kiya . Unhon ne farmaya ke Nabi Karim salla Allahu alaihi wasallam Eidgah jaate to barchha (danda jis ke neeche lohe ka phal laga hua ho) Aap salla Allahu alaihi wasallam ke aage aage le jaya jata tha phir yeh Eidgah mein Aap salla Allahu alaihi wasallam ke saamne gaar diya jata aur Aap salla Allahu alaihi wasallam is ki aar mein namaaz parhte .

Mujh se Ishaq bin Rahwayh ne bayan kiya, kaha hamain ko Ibn Shumayl ne khabar di, kaha hamain ko Umar bin Abi Zaidah ne khabar di, kaha hamain ko Aun bin Abi Juhaifah ne khabar di, in se in ke walid Abu Juhaifah razi Allahu anhu ne bayan kiya ke phir main ne dekha ke Bilal razi Allahu anhu ek neza le kar aaye aur usay zameen mein gaarr diya phir namaz ke liye takbeer kahi gayi. Main ne dekha ke Rasool Allah salla Allahu alaihi wasallam ek jora pehne huay bahar tashreef laaye jise Aap ne samait rakkha tha. Phir Aap ne neza ke samne kharay ho kar do rakat namaz e Eid parhayi aur main ne dekha ke insan aur janwar Nabi Karim salla Allahu alaihi wasallam ke samne neza ke bahar ki taraf se guzar rahe thay.