Hum se Abdullah bin Muslimah Qanabi ne Imam Malik rahmahu Allah ne byaan kiya , in se Abu az-Zinaad ne , in se Abdur Rahman Aaraj ne , in se Abu Hurairah razi Allahu anhu ne ke Rasool Allah salla Allahu alaihi wasallam ne Juma ke zikr mein aik dafa farmaya ke is din aik aisi ghari aati hai jis mein agar koi musalman banda khara namaaz parh raha ho aur koi cheez Allah Paak se maange to Allah Paak use woh cheez zaroor deta hai . Haath ke isharah se Aap ne batlaya ke woh saat bahut thori si hai .

Hum se Musaddad ne byaan kiya , in se Bishr bin Mufaddal ne byaan kiya , in se Salamah bin Alqamah ne byaan kiya , in se Muhammad bin Sireen ne aur in se Abu Hurairah razi Allahu anhu ne byaan kiya ke Abu al-Qasim salla Allahu alaihi wasallam ne farmaya ke Jumu'ah mein ek ghari aaisi aati hai jo Musalman bhi is waqt khara namaz parhe aur Allah se koi khair maange to Allah usay zaroor de ga . Nabi Karim salla Allahu alaihi wasallam ne (is saat ki wazahat karte huay) apne dast e mubarak se isharah kiya aur apni ungliyon ko darmiyani ungli aur chhoti ungli ke beech mein rakkha jis se hum ne samjha ke Aap is saat ko bahut mukhtasar hone ko bata rahe hain .

Aur Owaysi ne byaan kiya , in se Ibrahim bin Saad ne byaan kiya , in se Shubah bin Hajjaj ne , in se Hisham bin Yazid ne , in se Anas bin Malik razi Allahu anhu ne byaan kiya ke Nabi Karim salla Allahu alaihi wasallam ke zamana mein ek Yahudi ne ek larki par zulm kiya , is ke chaandi ke zewaraat jo woh pehne hui ku chheen liye aur is ka sar kachal diya . Larki ke ghar wale usay Nabi Karim salla Allahu alaihi wasallam ke paas laye to is ki zindagi ki bas aakhri ghari baqi thi aur woh bol nahi sakti ku . Nabi Karim salla Allahu alaihi wasallam ne is se poocha ke tumhein kis ne maara hai ? Falan ne ? Nabi Karim salla Allahu alaihi wasallam ne is waqia se ghair-mutaalliq aadmi ka naam liya . Is liye us ne apne sar ke isharay se kaha ke nahi . Byaan kiya ke phir Nabi Karim salla Allahu alaihi wasallam ne ek doosre shakhs ka naam liya aur woh bhi is waqia se ghair-mutaalliq thu to larki ne sar ke isharay se kaha ke nahi , phir Nabi Karim salla Allahu alaihi wasallam ne daryaft farmaya ke falan ne tumhein maara hai ? To is larki ne sar ke isharay se haan kaha .

Hum se Musaddad ne bayan kiya, kaha hum se Ismail bin Ibrahim ne, unhein Ayub ne khabar di, unhein Muhammad ne aur in se Abu Hurairah razi Allahu anhu ne bayan kiya ke Abu al-Qasim salla Allahu alaihi wasallam ne farmaya ke Jumu'ah ke din ek aaisi ghari aati hai jis mein agar koi Musalman is haal mein pa le ke woh khada namaz parh raha ho to jo bhalayi bhi woh maange ga Allah inayat farmaye ga aur Aap ne apne hath se isharah farmaya aur hum ne is se yeh samjha ke Nabi Karim salla Allahu alaihi wasallam is ghari ke mukhtasar hone ki taraf isharah kar rahe hain.