Hum se Abdaan ne byaan kiya , kaha ke hamein Abdullah bin Mubarak ne khabar di , kaha ke hamein Hameed Taweel ne Anas bin Malik razi Allahu anhu se khabar di . Aap ne farmaya ke hum juma sawere parh liya karte aur juma ke baad aaram karte the .

Hum se Sareej bin Numan ne byaan kiya , unhon ne kaha ke hum se Fulayh bin Sulayman ne byaan kiya , un se Usman bin Abdur Rahman bin Usman Teemi ne byaan kiya , un se Anas bin Malik razi Allahu anhu ne ke Rasool Allah salla Allahu alaihi wasallam juma ki namaaz us waqt parhte jab sooraj dhal jaata .

Hum se Muhammad bin Uqbah Shaybani ne byaan kiya , kaha ke hum se Abu Ishaq Fazari Ibrahim bin Muhammad ne byaan kiya , un se Humaid Taweel ne , unhon ne Anas razi Allahu anhu se suna . Aap farmate thay ke hum Juma savere parhte , is ke baad dopehar ki neend lete thay .

Hum se Saeed bin Abi Maryam ne byaan kiya , kaha ke hum se Abu Ghassan ne byaan kiya , kaha ke mujh se Abu Hazim ne Sahl bin Saad razi Allahu anhu se byaan kiya , unhon ne batlaya ke hum Nabi Karim salla Allahu alaihi wasallam ke sath Juma parhte , phir dopehar ki neend liya karte thay .

Hum se Yahya Bin Ya'la Muharibi ne bayan kiya ‘ kaha mujh se mere walid ne bayan kiya ‘ in se Iyas Bin Salama Bin Akwa ne bayan kiya ‘ kaha ke mujh se mere walid ne bayan kiya ‘ wo Ashab-e-Shajarah mein se thay ‘ unhon ne bayan kiya ke hum Rasul Allah Sallallahu Alaihi Wasallam ke sath jumma ki namaz parh kar wapas hue to deewaron ka saya abhi itna nahi hua tha ke hum is mein aram kar sakein
.