Hum se Qutaybah bin Saeed ne byaan kiya , kaha ke hum se Layth bin Saad ne Yazid bin Abi Habeeb se byaan kiya , un se Abul Khayr Marthad bin Abdullah ne un se Abdullah bin Amr razi Allahu anhuma ne , un se Abu Bakr Siddiq razi Allahu anhu ne ke unhon ne Rasool Allah salla Allahu alaihi wasallam se arz kiya ke Aap salla Allahu alaihi wasallam mujhe koi aisi dua sikha deejiye jisay main namaaz mein parha karoon . Aap ne farmaya ke yeh dua parha karo «Allahumma inni zalamtu nafsi zulman kathiran wa la yaghfiruz zunooba illa anta , faghfir lee maghfiratan min indika , warhamni innaka antal ghafoorur raheem» aye Allah! main ne apni jaan par (gunah kar ke) bohot zyada zulm kiya pas gunahon ko tere siwa koi doosra maaf karne wala nahi . Mujhe apne paas se bharpoor maghfirat ata farma aur mujh par rehm kar ke maghfirat karne wala aur rehm karne wala beshak tu hi hai .

Hum se Abdullah bin Yusuf Taneesi ne bayan kiya, kaha hum ko Layth bin Saad ne khabar di, kaha ke mujh se Yazid bin Abi Habeeb ne bayan kiya, in se Abu al-Khair Marsad bin Abdullah ne, in se Abdullah bin Amr bin al-Aas razi Allahu anhuma ne aur in se Abu Bakr Siddiq razi Allahu anhu ne ke unhon ne Rasool Allah salla Allahu alaihi wasallam se kaha ke mujhe aaisi dua sikha dijiye jise main apni namaz mein parha karoon. Nabi Karim salla Allahu alaihi wasallam ne farmaya ke yeh kaha kar «allaahumma innee zhalamtu nafsee zhulman kaseeran wa laa yaghfiruzh-zhunooba illaa anta fagh-fir lee maghfiratam-min indika war-hamnee innaka antal-ghafoor-ur-raheem» ”Ae Allah! Main ne apni jaan par bahut zhulm kiya hai aur gunahon ko tere siwa koi maaf nahi karta pas meri maghfirat kar, aaisi maghfirat jo tere paas se ho aur mujh par raham kar bilashubha tu bara maghfirat karne wala, bara raham karne wala hai.“ aur Amr bin Haris ne bhi is hadees ko Yazid se, unhon ne Abu al-Khair se, unhon ne Abdullah bin Amr razi Allahu anhuma se suna ke Abu Bakr Siddiq razi Allahu anhu ne Nabi Karim salla Allahu alaihi wasallam se arz kiya aakhir tak.

Hum se Yahya bin Sulayman ne bayan kiya, unhon ne kaha mujh se Ibn Wahb ne bayan kiya, unhon ne kaha mujhko Amr ne khabar di, unhein Yazid ne, unhein Abu al-Khair ne, unhon ne Abdullah bin Umar raziAllahu anhuma ne suna ke Abu Bakr Siddiq razi Allahu anhune Rasool Allah salla Allahu alaihi wasallam se kaha: ya Rasool Allah! mujhe aaisi dua sikhayiye jo main apni namaz mein kiya karoon. Nabi Karim salla Allahu alaihi wasallam ne farmaya ke yeh parha karo «allaahumma in-nee zhalamtu nafsee zhulman kaseeran, wa laa yagh-firuzh-zhunooba il-laaa anta, fagh-fir lee min indika maghfiratan, in-naka antal-ghafoorur-raheemun» . ”Ae Allah! main ne apni jaan par bahut zhulm kiya aur tere siwa gunahon ko aur koi nahi bakhshta, pas meere gunah apne paas se bakhsh de, bilashubha tu bada maghfirat karne wala, bada raham karne wala hai.“