Hum se Abu Naeem Fadl bin Dukayn ne byaan kiya , kaha ke hum se Amash ne Shaqeeq bin Salamah se byaan kiya ke Abdullah bin Masood razi Allahu anhu ne farmaya ke (pehle) jab hum Nabi Karim salla Allahu alaihi wasallam ke peeche namaaz parhte to hum (qadah mein) yeh kaha karte thay ke us ke bandon ki taraf se Allah par salam ho aur falan par aur falan par salam ho . Is par Nabi Karim salla Allahu alaihi wasallam ne farmaya ke yeh na kaho ke ”Allah par salam ho“ kyunke Allah to khud salam hai . Balkay yeh kaho «At tahiyyatu lillahi , was salawatu wat tayyibatu , as salamu alayka ayyuhan nabiyyu wa rahmatullahi wa barakatuhu , as salamu alayna wa ala ibadillahis saliheen» tamam aadab bandagi , tamam ibaadaat aur tamam behtareen tareefen Allah ke liye hain . Aap par salam ho aye nabi aur Allah ki rehmaten aur us ki barkaten . Hum par aur Allah ke tamam saalih bandon par salam . Jab tum yeh kahoge to tumhara salam aasman o zameen mein jahan koi Allah ka banda hai us ko pohanch jaye ga . Main gawahi deta hoon ke Allah ke siwa koi mabood nahi aur gawahi deta hoon ke Muhammad us ke bande aur rasool hain .

Hum se Musaddad bin Musarhad ne byaan kiya , kaha ke hum se Yahya bin Saeed Qattan ne Amash se byaan kiya , unhon ne kaha ke mujh se Shaqeeq ne Abdullah bin Masood razi Allahu anhu se byaan kiya , unhon ne farmaya ke (pehle) jab hum Nabi Karim salla Allahu alaihi wasallam ke saath namaaz parhte to hum (qadah mein) yeh kaha karte thay ke us ke bandon ki taraf se Allah par salam ho aur falan par aur falan par salam ho . Is par Nabi Karim salla Allahu alaihi wasallam ne farmaya ke yeh na kaho ke ”Allah par salam ho“ kyunke Allah to khud salam hai . Balkay yeh kaho «At tahiyyatu lillahi , was salawatu wat tayyibatu , as salamu alayka ayyuhan nabiyyu wa rahmatullahi wa barakatuhu , as salamu alayna wa ala ibadillahis saliheen» aadab bandagi , tamam ibaadaat aur tamam paakeeza khairaat Allah hi ke liye hain Aap par aye nabi salam ho aur Allah ki rehmaten aur barkaten . Hum par aur Allah ke saalih bandon par salam . Aur jab tum yeh kahoge to aasman aur zameen ke darmiyan tamam bandon ko pohanch jayega «ashhadu an la ilaha illa Allah , wa ashhadu anna Muhammadan abduhu wa rasooluhu» main gawahi deta hoon ke Allah ke siwa koi mabood nahi aur gawahi deta hoon ke Muhammad us ke bande aur rasool hain . Is ke baad dua ka ikhtiyar hai jo usay pasand ho kare .

Hum se Amr bin Isa ne byaan kiya , unhon ne kaha ke hum se Abu Abdus Samad al-Ammi Abdul Aziz bin Abdus Samad ne byaan kiya , unhon ne kaha hum se Husayn bin Abdur Rahman ne byaan kiya , un se Abu Wail ne byaan kiya , un se Abdullah bin Masood razi Allahu anhu ne byaan kiya ke hum pehle namaaz mein yoon kaha karte thay falan par salam aur naam lete thay . Aur aapas mein ek shakhs doosre ko salam kar leta . Nabi Karim salla Allahu alaihi wasallam ne sun kar farmaya is tarah kaha karo . «at-tahiyatu lillahi was-salawatu wat-tayyibatu , as-salamu alaika ayyuhan-nabiyyu wa rahmatullahi wa barakatuhu , as-salamu alaina wa ala ibadillahis-salihin , ash-hadu alla ilaha illallahu wa ash-hadu anna muhammadan abduhu wa rasooluhu» ”yani saari tahiyat , bandagiyan aur koshishein aur achhi baatein khaas Allah hi ke liye hain aur ae Nabi! Aap par salam ho , Allah ki rahmatein aur us ki barkatein nazil hon . Hum par salam ho aur Allah ke sab nek bandon par , main gawahi deta hoon ke Allah ke siwa koi mabood nahin aur gawahi deta hoon ke Muhammad salla Allahu alaihi wasallam us ke bande aur Rasool hain .“ Agar tum ne yeh parh liya to goya Allah ke in tamam salih bandon par salam pahuncha diya jo aasman aur zameen mein hain .

Hum se Umar bin Hafs ne bayan kiya, unhon ne kaha hum se hamare walid ne bayan kiya, unhon ne kaha hum se Aamash ne bayan kiya, unhon ne kaha ke mujh se Shaqeeq ne bayan kiya aur in se Abdullah razi Allahu anhu ne bayan kiya ke jab hum (ibteda e Islam mein) Nabi Karim salla Allahu alaihi wasallam ke saath namaz parhte to kehte ”salam ho Allah par is ke bandon se pehle, salam ho Jibrail par, salam ho Mikaeel par, salam ho falan par, phir (ek martaba) jab Nabi Karim salla Allahu alaihi wasallam namaz se farigh huay to hamari taraf mutawaj-jo ho kar farmaya ke Allah hi salaam hai. Is liye jab tum mein se koi namaz mein baithe to «at-tahiy-yaatu lillaahi, was-salawaatu wat-tay-yibaatu, as-salaamu alayka ay-yuhan-nabiy-yu wa rahmatullaahi wa barakaatuhu, as-salaamu alaynaa wa alaa ibaadillaahis-saaliheena» alkh parha kare. Kyunke jab woh yeh dua parhe ga to aasman o zameen ke har saaleh bande ko is ki yeh dua pahunche gi. «ash-hadu al-laa ilaaha illallaahu wa ash-hadu anna muhammadan abduhoo wa rasooluhoo» . Is ke baad usay ikhtiyar hai jo dua chahe parhe.

Hum se Abu Nuaym ne bayan kiya, kaha hum se Sayf ne bayan kiya, unhon ne kaha ke main ne Mujahid se suna, unhon ne kaha ke mujh se Abdullah bin Bakhra Abu Mamar ne bayan kiya ke main ne Abdullah bin Masood razi Allahu anhu se suna, unhon ne bayan kiya ke Rasool Allah salla Allahu alaihi wasallam ne mujhe tashahhud sikhaya, is waqt mera hath Nabi Karim salla Allahu alaihi wasallam ki hatheliyon ke darmiyan mein thu (is tarah sikhaya) jis tarah Aap Quran ki surat sikhaya karte thay. «at-tahiy-yaatu lillaahi was-salawaatu wat-tay-yibaatu, as-salaamu alayka ay-yuhan-nabiy-yu wa rahmatullaahi wa barakaatuhu, as-salaamu alaynaa wa alaa ibaadillaahis-saaliheena, ash-hadu al-laa ilaaha illallaahu wa ash-hadu anna muhammadan abduhoo wa rasooluhoo» . Nabi Karim salla Allahu alaihi wasallam is waqt hayat thay. Jab Aap ki wafat ho gayi to hum (khitab ka seeghe ke bajaye) is tarah parhne lage «as-salaamu alan-nabiy-yi» yani Nabi Karim salla Allahu alaihi wasallam par salam ho.

Hum se Usman bin Abi Shaybah ne bayan kiya, unhon ne kaha hum se Jareer bin Abd-ul-Hameed ne bayan kiya, unhon ne kaha hum se Mansoor bin Mutamir ne bayan kiya, in se Abu Wail ne bayan kiya aur in se Abdullah bin Masood razi Allahu anhu ne bayan kiya ke hum namaz mein yeh kaha karte thay ke Allah par salam ho, falan par salam ho. Phir Nabi Karim salla Allahu alaihi wasallam ne hamase ek din farmaya ke Allah khud salaam hai is liye jab tum namaz mein baitho to yeh parha karo «at-tahiy-yaatu lillaahi» irshad «as-saaliheena» tak is liye ke jab tum yeh kaho ge to aasman o zameen mein maujood Allah Tabarak wa Ta-ala ke har saaleh bande ko (yeh salam) pahunche ga. «ash-hadu al-laa ilaaha illallaahu, wa ash-hadu anna muhammadan abduhoo wa rasooluhoo» . Is ke baad sana mein ikhtiyar hai jo dua chaho parho.

Hum se Ahmad bin Yunus ne bayan kiya, unhon ne kaha hum se Zuhayr ne bayan kiya, kaha hamase Mugheera ne bayan kiya, unhon ne hamase Shaqeeq bin Salama ne bayan kiya aur in se Abdullah razi Allahu anhune bayan kiya ke hum (ibteda e Islam mein) Rasool Allah salla Allahu alaihi wasallam ke peeche namaz parhte thay aur kehte thay «as-salaamu alallaahi» to Nabi kareem salla Allahu alaihi wasallam ne hamase farmaya ke Allah to khud hi «as-salaamu» hai, albatta is tarah kaha karo «at-tahiy-yaatu lil-laahi was-salawaatu wat-tay-yibaatu, as-salaamu alayka ay-yuhan-nabiy-yu wa rahmatul-laahi wa barakaatu-hu, as-salaamu alaina wa alaa ibaadil-laahis-saaliheena, ash-hadu al-laaa ilaaha illallaahu wa ash-hadu an-na muhammadan abdu-hu wa rasoolu-hu» .