Hum se Muslim bin Ibrahim ne byaan kiya , unhon ne kaha hum se Shubah ne , unhon ne Amr se , unhon ne Taus se , unhon ne Ibn Abbas razi Allahu anhuma se , unhon ne Nabi Karim salla Allahu alaihi wasallam se ke Aap salla Allahu alaihi wasallam ne farmaya ke hamein saat aza par is tarah sajda ka hukm hua hai ke hum na baal sametein na kapre .

Hum se Qabisa bin Uqbah ne byaan kiya , kaha ke hum se Sufyan Thauri ne Amr bin Dinar se byaan kiya , unhon ne Taus se , unhon ne Ibn Abbas razi Allahu anhuma se , Aap ne batlaya ke Nabi Karim salla Allahu alaihi wasallam ko saat aza par sajda ka hukm diya gaya , is tarah ke na baalon ko apne samete na kapre ko (woh saat aza yeh hain) peshani (ma naak) donon haath , donon ghatne aur donon paon .

Hum se Muali bin Asad ne byaan kiya , unhon ne kaha hum se Wuhaib bin Khalid ne byaan kiya , unhon ne Abdullah bin Taus se , unhon ne apne baap se , unhon ne Ibn Abbas razi Allahu anhuma se ke Nabi Karim salla Allahu alaihi wasallam ne farmaya mujhe saat aza par sajda karne ka hukm hua hai . Peshani par aur apne haath se naak ki taraf ishaare kiya aur donon haath aur donon ghatne aur donon paon ki ungliyon par . Is tarah ke hum na kapre sametein na baal .

Hum se Abun Numan Muhammad bin Fadl ne byaan kiya , unhon ne kaha ke hum se Hammad bin Zaid ne Amr bin Dinar se byaan kiya , unhon ne Taus se , unhon ne Ibn Abbas razi Allahu anhuma se , Aap ne farmaya ke Nabi Karim salla Allahu alaihi wasallam ko hukm tha ke saat haddiyon par sajda karen aur baal aur kapre na sametein .

Hum se Musa bin Ismail ne byaan kiya , kaha ke hum se Abu Awanah Waddah ne , Amr bin Dinar se byaan kiya , unhon ne Taus se , unhon ne Ibn Abbas se , unhon ne Nabi Karim salla Allahu alaihi wasallam se ke Aap salla Allahu alaihi wasallam ne farmaya mujhe saat haddiyon par is tarah sajda ka hukm hua hai ke na baal sametoon aur na kapre .