Hum se Yahya bin Bukayr ne byaan kiya , kaha ke mujh se Bakr bin Mudar ne Jafar bin Rabiah se byaan kiya , unhon ne Abdur Rahman bin Hurmuz se , unhon ne Abdullah bin Malik bin Buhaynah se ke Nabi Karim salla Allahu alaihi wasallam jab namaaz parhte sajde mein apne donon baazuon ko is qadar phela dete ke baghal ki safedi zahir ho jati thi . Layth bin Saad ne byaan kiya ke mujh se bhi Jafar bin Rabiah ne isi tarah hadees byaan ki .

Hum se Yahya bin Bukair ne bayan kiya, kaha mujh se hadees bayan ki Bakr bin Mudar ne Jafar se, woh Ibn Hurmuz se, unhon ne Abdullah bin Malik bin Buhainah se ke Nabi Kareem Sallallahu Alaihi Wasallam jab namaz padhte to apne bazuon ke darmiyan is qadar kushadagi kar dete ke donon baghlon ki safaidi zahir hone lagti thi aur Laith ne yun kaha ke mujh se Jafar bin Rabia ne isi tarah hadees bayan ki.

Hum se Qutaibah bin Sa'id ne bayan kiya, kaha hum se Bakr bin Mudar ne bayan kiya, un se Ja'far bin Rabiah ne, un se A'raj ne, un se Abdullah bin Malik bin Buhainah Asadi Radi Allahu Anhu ne bayan kiya ke Nabi Kareem Sallallahu Alaihi Wa Sallam jab sajda karte to dono hath pait se alag rakhte yahan tak ke Aap Sallallahu Alaihi Wa Sallam ki baghlein hum log dekh lete, Ibn Bukair ne Bakr se riwayat ki us mein yun hai, yahan tak ke Aap ki baghlon ki safedi dikhayi deti thi.