Hum se Musaddad bin Musarhad ne byaan kiya , kaha ke hum se Yazid bin Zuray ne byaan kiya , kaha ke hum se Teemi ne Abu Bakr se , unhon ne Abu Rafe se , unhon ne kaha ke main ne Abu Hurayrah razi Allahu anhu ke saath Isha parhi , Aap ne «Iza samaa unshaqqat» aur sajda kiya . Is par main ne kaha ke yeh sajda kaisa hai ? Aap ne jawab diya ke is surat mein main ne Abu Qasim salla Allahu alayhi wasallam ke peeche sajda kiya tha . Is liye main bhi hamesha is mein sajda karoon ga , yahan tak ke Aap se mil jaoon .

Hum se Sulayman bin Harb ne byaan kiya , kaha hum se Shubah ne Abu Aun Muhammad bin Abdullah Thaqafi se byaan kiya , unhon ne kaha ke main ne Jabir bin Samurah se suna , unhon ne byaan kiya ke Amirul Momineen Umar razi Allahu anhu ne Saad bin Abi Waqqas razi Allahu anhu se kaha ke Aap ki shikayat Kufa walon ne tamam hi baaton mein ki hai , yahan tak ke namaaz mein bhi . Unhon ne kaha ke mera amal to yeh hai ke pehli do rakaton mein qiraat lambi karta hoon aur doosri do mein mukhtasar jis tarah main ne Nabi Karim salla Allahu alaihi wasallam ke peeche namaaz parhi thi us mein kisi qism ki kami nahi karta . Umar razi Allahu anhu ne farmaya ke sach kehte ho . Tum se umeed bhi isi ki hai .

Hum se Muslim bin Ibrahim aur Muaz bin Fudalah ne byaan kiya , unhon ne kaha ke hum se Hisham bin Abi Abdullah Dastawa'i ne byaan kiya , un se Yahya bin Abi Kaseer ne , un se Abu Salamah ne kaha ke main ne Abu Hurairah razi Allahu anhu ko Surah «iza as-samaa un shaqqat» parhte dekha . Aap ne is mein sajdah kiya main ne kaha ke aye Abu Hurairah! kya main ne aap ko sajdah karte huay nahi dekha hai . Aap ne kaha ke agar main Nabi Karim salla Allahu alaihi wasallam ko sajdah karte na dekhta to main bhi na karta .

Hum se Musaddad bin Musarhad ne byaan kiya , kaha ke hum se Mu'tamar bin Sulaiman ne byaan kiya , kaha ke main ne apne baap se suna kaha ke hum se Bakr bin Abdullah Muzani ne byaan kiya , un se Abu Rafi ne kaha ke main ne Abu Hurairah razi Allahu anhu ke saath namaaz isha parhi . Aap ne «iza as-samaa un shaqqat» ki tilawat ki aur sajdah kiya . Main ne arz kiya ke aap ne yeh kya kiya ? Unhon ne is ka jawab diya ke main ne is mein Abul Qasim salla Allahu alaihi wasallam ki iqtida mein sajdah kiya tha aur hamesha sajdah karta hoon ga ta'aanke Aap salla Allahu alaihi wasallam se ja miloon .