Hum se Abu Naeem Fadl bin Dukayn ne byaan kiya , unhon ne kaha ke hum se Shayban ne byaan kiya , unhon ne Yahya bin Abi Kathir se byaan kiya , unhon ne Abdullah bin Abi Qatadah se , unhon ne apne baap Abu Qatadah razi Allahu anhu se ke Nabi Karim salla Allahu alaihi wasallam Zuhr ki pehli do rakaton mein Surah Fatihah aur har rakat mein ek ek surat parhte thay , un mein bhi qiraat karte thay lekin aakhri do rakatein halki parhate thay kabhi kabhi hum ko bhi koi aayat suna diya karte thay . Asr mein Aap salla Allahu alaihi wasallam Surah Fatihah aur surtain parhte thay , us ki bhi pehli do rakatein lambi parhte . Isi tarah subah ki namaaz ki pehli rakat lambi karte aur doosri halki .

Hum se Makki bin Ibrahim ne byaan kiya , unhon ne Hisham Dastuwai se , unhon ne Yahya bin Abi Kathir se , unhon ne Abdullah bin Abi Qatadah se , unhon ne apne baap Abu Qatadah razi Allahu anhu se ke Nabi Karim salla Allahu alaihi wasallam Zuhr aur Asr ki do rakaton mein Surah Fatihah aur ek ek surat parhte thay . Aur Aap salla Allahu alaihi wasallam kabhi kabhi koi aayat hamein suna bhi diya karte thay .

Hum se Musa bin Ismail ne byaan kiya , unhon ne kaha ke hum se Humam bin Yahya ne byaan kiya , unhon ne Yahya bin Abi Kathir ke wastay se byaan kiya , unhon ne Abdullah bin Abi Qatadah se , unhon ne apne baap Abu Qatadah razi Allahu anhu se ke Nabi Karim salla Allahu alaihi wasallam Zuhr ki do pehli rakaton mein Surah Fatihah aur do surtain parhte thay aur aakhri do rakaton mein sirf Surah Fatihah parhte . Kabhi kabhi hamein ek aayat suna bhi diya karte thay aur pehli rakat mein qiraat doosri rakat se zyada karte thay . Asr aur subah ki namaaz mein bhi Aap ka yahi mamool tha .

Hum se Muhammad bin Yusuf Faryabi ne byaan kiya , unhon ne kaha ke hum se Imam Abdur Rahman Awzai ne byaan kiya , unhon ne kaha ke mujh se Yahya bin Abi Kathir ne byaan kiya , unhon ne kaha ke mujh se Abdullah bin Abi Qatadah ne byaan kiya , woh apne walid Abu Qatadah razi Allahu anhu se ke Nabi Karim salla Allahu alaihi wasallam Zuhr aur Asr ki do pehli rakaton mein Surah Fatihah aur koi aur surat parhte thay . Kabhi kabhi Aap salla Allahu alaihi wasallam koi aayat hamein suna bhi diya karte thay . Pehli rakat mein qiraat zyada taweel karte thay .

Hum se Abu Naeem Fadl bin Dukayn ne byaan kiya , unhon ne kaha ke hum se Hisham Dastuwai ne byaan kiya , unhon ne Yahya bin Abi Kathir se byaan kiya , unhon ne Abdullah bin Abi Qatadah se , unhon ne apne walid Abu Qatadah razi Allahu anhu se ke Nabi Karim salla Allahu alaihi wasallam Zuhr ki pehli rakat mein (qiraat) taweel karte thay aur doosri rakat mein mukhtasar . Subah ki namaaz mein bhi Aap salla Allahu alaihi wasallam isi tarah karte thay .