Hum se Hafs bin Umar ne bayan kiya , kaha hum se Shubah ne bayan kiya , in se Qatadah ne (doosri sanad) aur Imam Bukhari rahmahullah ne kaha ke mujh se Khaleefa bin Khay-yaat ne bayan kiya , kaha hamase Yazid bin Zuray ne bayan kiya , in se Saeed ne , in se Qatadah ne , in se Abu al-Aaliya ne aur in se Ibn Abbas raziAllahu anhuma ne ke Nabi kareem salla Allahu alaihi wasallam ne apne Parvardigar se riwayat kiya Parvardigar ne farmaya ke kisi bande ke liye munasib nahi ke yeh kahe ke main Yunus bin Matta alaihissalam se behtar hoon aur Aap ne Yunus alaihissalam ko in ke baap ki taraf nisbat di .

Mujh se Muhammad Bin Bashar ne bayan kiya kaha hum se Ghundar ne bayan kiya un se Shuba ne bayan kiya un se Qatada ne bayan kiya un se Abu Al-Aliyah ne bayan kiya aur un se tumhare Nabi ke chacha zaad bhai yani Ibn Abbas (Radi Allahu Anhuma) ne bayan kiya ke Nabi Kareem (Sallallahu Alaihi Wasallam) ne farmaya "Kisi shakhs ko yun na kehna chahiye ke mein Yunus Bin Matta se behtar hoon, Nabi Kareem (Sallallahu Alaihi Wasallam) ne un ka naam un ke walid ki taraf mansoob kar ke liya."

Aur Nabi Kareem (Sallallahu Alaihi Wasallam) ne Shab-e-Meraj ka zikr karte hue farmaya ke Musa (Alaihis Salam) gandam goon aur daraz qad thay. Aisa maloom hota tha jaise qabila Shanwah ke koi sahab hon aur farmaya ke Isa (Alaihis Salam) ghangriyalay baal wale aur miyana qad ke thay aur Nabi Kareem (Sallallahu Alaihi Wasallam) ne darogha-e-Jahannam Malik ka bhi zikr farmaya aur Dajjal ka bhi

Hum se Musaddad ne bayan kiya kaha hum se Yahya ne bayan kiya un se Sufyan Bin Uyainah ne bayan kiya kaha ke mujh se Amash ne bayan kiya (doosri sanad) hum se Abu Nuaim ne bayan kiya kaha hum se Sufyan ne bayan kiya un se Amash ne un se Abu Wail ne aur un se Abdullah Bin Masood (Radi Allahu Anhu) ne ke Nabi Kareem (Sallallahu Alaihi Wasallam) ne farmaya "Koi shakhs mere mutaliq ye na kahe ke mein Yunus (Alaihis Salam) se behtar hoon." Musaddad ne Yunus Bin Matta (Alaihis Salam) ke lafz barha kar riwayat kiya

Hum se Hafs Bin Umar ne bayan kiya kaha hum se Shuba ne bayan kiya un se Qatada ne un se Abu Al-Aliyah ne aur un se Abdullah Bin Abbas (Radi Allahu Anhuma) ne kaha Nabi Kareem (Sallallahu Alaihi Wasallam) ne farmaya "Kisi shakhs ke liye munasib nahi ke mujhe Yunus Bin Matta se behtar qarar de. Aap (Sallallahu Alaihi Wasallam) ne un ka naam un ke walid ki taraf mansoob kar ke liya tha."

Hum se Abu Al-Walid ne bayan kiya kaha hum se Shuba ne bayan kiya un se Saad Bin Ibrahim ne unhon ne Humaid Bin Abdur Rahman se suna aur unhon ne Abu Hurairah (Radi Allahu Anhu) se ke Nabi Kareem (Sallallahu Alaihi Wasallam) ne farmaya "Kisi shakhs ke liye ye kehna layak nahi ke mein Yunus Bin Matta se afzal hoon."

Hum se Musaddad bin Musarhad ne byaan kiya , kaha hum se Yahya ne byaan kiya , un se Sufyan Sawri ne byaan kiya , kaha hum se Aamash ne byaan kiya , un se Abu Wail ne aur un se Abdullah bin Masood razi Allahu anhu ne ke Nabi Karim salla Allahu alaihi wasallam ne farmaya ”Kisi ke liye munasib nahi ke mujhe Yunus bin Matta se behtar kahe .“

Hum se Muhammad bin Sinan ne byaan kiya , unhon ne kaha hum se Falih ne byaan kiya , un se Hilal ne byaan kiya , un se Ata bin Yasar aur un se Abu Hurairah razi Allahu anhu ne byaan kiya ke Nabi Karim salla Allahu alaihi wasallam ne farmaya ”Jo shakhs yeh kehta hai main Yunus bin Matta se behtar hoon us ne jhoot kaha .“

Hum se Muhammad bin Bashar ne byaan kiya , unhon ne kaha hum se Ibn Mahdi ne byaan kiya , unhon ne kaha hum se Shubah ne byaan kiya , un se Qatadah ne , un se Abu al-Aaliyah ne byaan kiya ke mujh se tumhare Nabi ke chacha zaad bhai yani Ibn Abbas razi Allahu anhuma ne byaan kiya ke Nabi Karim salla Allahu alaihi wasallam ne farmaya ke kisi ke liye munasib nahi ke mujhe Yunus bin Matta alaihissalam se behtar bataye .

Hum se Adam bin Abi Iyas ne byaan kiya , unhon ne kaha hum se Shubah ne byaan kiya , unhon ne kaha hum ko Saad bin Ibrahim ne khabar di , unhon ne kaha ke main ne Humayd bin Abdur Rahman bin Auf razi Allahu anhu se suna , unhon ne Abu Hurairah razi Allahu anhu se ke Nabi Karim salla Allahu alaihi wasallam ne farmaya ke kisi shakhs ke liye jaiz nahi ke mujhe Yunus bin Matta alaihissalam se behtar bataye .

Hum se Qutaybah bin Saeed ne byaan kiya , unhon ne kaha hum se Jareer ne byaan kiya , un se Aamash ne , un se Abu Wail ne aur un se Abdullah bin Masood razi Allahu anhu ne byaan kiya ke Rasool Allah salla Allahu alaihi wasallam ne farmaya ke kisi ke liye munasib nahi ke woh Yunus bin Matta alaihissalam se behtar hone ka dawa kare .

Mujh se Ibrahim bin al-Munzhir ne byaan kiya , unhon ne kaha hum se Muhammad bin Falih ne byaan kiya , unhon ne kaha mujh se mere walid ne byaan kiya , un se Bani Aamir bin Luway ke Hilal bin Ali ne , un se Ata bin Yasar aur un se Abu Hurairah razi Allahu anhu ne ke Rasool Allah salla Allahu alaihi wasallam ne farmaya ke jo shakhs yeh dawa kare ke main Yunus bin Matta alaihissalam se behtar hoon woh jhoota hai .