Hum se Ahmad ne bayan kiya, kaha hum se Muhammad bin Abu Bakr al-Muqad-dami ne bayan kiya, unhon ne kaha hum se Hammad bin Zayd ne bayan kiya, in se Sabit ne aur in se Anas razi Allahu anhu ne bayan kiya ke Zayd bin Harisa razi Allahu anhu (apni biwi ki) shikayat karne lage to Nabi Karim salla Allahu alaihi wasallam ne farmaya ke Allah se daro aur apni biwi ko apne paas hi rakkho. Aisha razi Allahu anha ne bayan kiya ke agar Nabi Karim salla Allahu alaihi wasallam kisi baat ko chhupane wale hote to usay zaroor chhupate. Bayan kiya chunanche Zaynub razi Allahu anha tamam azwaj e mutahharat par fakhr se kehti thi ke tum logon ki tumhare ghar walon ne shadi ki. Aur meri Allah Ta'ala ne saat aasmanon ke oopar se shadi ki aur Sabit razi Allahu anhu se marwi hai ke aayat «wa tukhfee fee nafsika mal-laahu mubdeehi wa takh-shan-naasa» ”aur Aap is cheez ko apne dil mein chhupate hain jise Allah zhahir karne wala hai.“ Zaynub aur Zayd bin Haris razi Allahu anhu ke baare mein nazil hui thi.

Hum se Muhammad bin Abdur Raheem ne byaan kiya , kaha hum se Mualla bin Mansoor ne byaan kiya , usay Hammad bin Zayd ne kaha hum se Sabit ne byaan kiya aur un se Anas bin Malik razi Allahu anhu ne byaan kiya ke aayat «wa tukhfee fee nafsika mallahu mubdeehi» ”aur Aap apne dil mein woh chhupate rahe jise Allah zahir karne wala tha .“ Zaynub bint Jahsh razi Allahu anha aur Zayd bin Haritha razi Allahu anhuma ke muamla mein nazil hui thi .