Hum se Muhammad bin Yusuf ne bayan kiya, unhon ne kaha hum se Sufyan ne bayan kiya, in se Ismail ne bayan kiya, in se Shabi ne bayan kiya, in se Masrooq ne aur in se Aisha razi Allahu anha ne bayan kiya ke agar tum se koi yeh kehta hai ke Muhammad salla Allahu alaihi wasallam ne apne Rabb ko dekha to woh ghalat kehta hai kyunke Allah Ta'ala apne baare mein khud kehta hai ke nazrein is ko dekh nahi sakti aur jo koi kehta hai ke Nabi Karim salla Allahu alaihi wasallam ghayb jaante thay to ghalat kehta hai kyunke Allah Ta'ala khud kehta hai ke ghayb ka ilm Allahke siwa aur kisi ko nahi.

Hum se Sadaqah ne bayan kiya, kaha ke hum ko Abdur Rahman Bin Mahdi ne khabar di, unhein Imam Malik ne, unhein Yazid Bin Aslam ne, un se in ke walid ne bayan kiya ke Umar (Radi Allahu Anhu) ne farmaya, agar mujhe baad mein aane wale Musalmanon ka khayal na hota to jitne shehar bhi fatah karta, unhein fatah karne walon mein taqseem karta jata, bilkul isi tarah jis tarah Nabi Kareem (Sallallahu Alaihi Wasallam) ne Khaibar ki zameen taqseem farma di thi
.

Hum se Muhammad bin Yusuf Faryabi ne bayan kiya , kaha hum se Sufyan Sawri ne bayan kiya , un se Ismail bin Abi Khalid ne , un se Sha'bi ne , un se Masrooq ne ke un se Aisha rz ne kaha , jo shakhs bhi tum se yeh kehta hai ke Allah Ta'ala ne Rasool Allah صلی اللہ علیہ وسلم par jo kuch nazil kiya tha , is mein se aap ne kuch chhupa liya tha , to woh jhoota hai . Allah Ta'ala ne khud farmaya hai «Ya Ayyuhar Rasoolu Balligh Ma Unzila Ilaika» ke ”Ae Paighambar! Jo kuch aap par aap ke Parvardigar ki taraf se nazil hua hai , yeh (sab) aap (logon tak) pouncha dein .“

Hum se Yahya bin Musa ne byaan kiya , un se Waki ne , un se Ismail bin Abi Khalid ne , un se Aamir ne aur un se Masrooq ne byaan kiya ke main ne Aisha razi Allahu anha se poocha: Ae iman walon ki maan! Kya Muhammad salla Allahu alaihi wasallam ne Meraj ki raat mein apne Rabb ko dekha tha ? Aisha razi Allahu anha ne kaha tum ne aaisi baat kahi ke mere raungtay kharay ho gaye kya tum in teen baaton se bhi na-waqif ho ? Jo shakhs bhi tum mein se yeh teen baatein byaan kare woh jhoota hai jo shakhs yeh kehta ho ke Muhammad salla Allahu alaihi wasallam ne Shab e Meraj mein apne Rabb ko dekha tha woh jhoota hai . Phir unhon ne aayat «la tudrikuhul absaru wa huwa yudrikul absara wa huwal lateeful khabeeru» se le kar «min waraa-i hijabin» tak ki tilawat ki aur kaha ke kisi insan ke liye mumkin nahi ke Allah se baat kare siwa is ke ke wahi ke zariye ho ya phir parde ke peeche se ho aur jo shakhs tum se kahe ke Nabi Karim salla Allahu alaihi wasallam aane wale kal ki baat jaante thay woh bhi jhoota hai . Is ke liye unhon ne aayat «wa ma tadri nafsun mazha taksibu ghadan» yani ”aur koi shakhs nahi jaanta ke kal kya kare ga .“ Ki tilawat farmayi . Aur jo shakhs tum mein se kahe ke Nabi Karim salla Allahu alaihi wasallam ne tableegh e deen mein koi baat chhupayi thu woh bhi jhoota hai . Phir unhon ne yeh aayat tilawat ki «ya ayyuhar-rasoolu balligh ma unzhila ilayka mir-rabbika» yani Ae Rasool! Pahuncha dijiye woh sab kuch jo Aap ke Rabb ki taraf se Aap par utara gaya hai . Haan Nabi Karim salla Allahu alaihi wasallam ne Jibraeel alaihissalam ko un ki asal surat mein do martaba dekha tha .

Hum se Talq bin Ghannam ne byaan kiya, un se Za'ida bin Qudamah Kufi ne byaan kiya, un se Sulayman Shaybani ne byaan kiya ke main ne Zirr bin Hubaysh se is aayat ke baare mein poocha «fakaana qaaba qawsayni au adna * fa-auha ila abdihi ma auha» al-kh yani so do kamaan-on ka fasla reh gaya balkay aur bhi kam. Phir Allah ne apne bande par wahi ki jo kuch bhi nazil kiya to unhon ne byaan kiya ke hamain Abdullah bin Masood razi Allahu anhu ne khabar di ke Muhammad salla Allahu alaihi wasallam ne Jibraeel alaihissalam ko dekha tha jin ke chhay sau par thay.

Hum se Muhammad bin Yusuf Faryabi ne bayan kiya , kaha hum se Sufyan Sawri ne bayan kiya , kaha hamase Ismail ne , in se Shabi ne , in se Masrooq ne aur in se Aisha razi Allahu anha ne bayan kiya ke agar koi tum se yeh bayan karta hai ke Muhammad salla Allahu alaihi wasallam ne koi cheez chhupayi , (aur doosri sanad) aur Muhammad bin Yusuf Faryabi ne bayan kiya , kaha hamase Abu Aamir Aqadi ne bayan kiya , kaha hamase Shubah bin Hajjaj ne , in se Ismail bin Abi Khalid ne , in se Shabi ne , in se Masrooq ne aur in se Aisha razi Allahu anha ne bayan kiya ke agartum se koi yeh bayan karta hai ke Nabi Karim salla Allahu alaihi wasallam ne wahi mein kuch chhupa liya to is ki tasdeeq na karna (woh jhoota hai) kyunke Allah Ta'ala khud farmata hai «yaaa ay-yuhan-rasoolu bal-ligh maaa unzhila ilaika mir-rab-bika wa il-lam taf-al fa-maa bal-laghta risaalatahoo» ke ”Ae Rasool! pahuncha dijiye woh paigham jo Aap ke paas Aap ke Rabb ki taraf se nazil hua hai aur agar Aap ne yeh nahi kiya to Aap apne Rabb ka paigham nahi pahunchaya .“