`Hum se Adam ne bayan kiya, kaha hum se Ibn Abi Zi'b ne bayan kiya, kaha hum se Zuhri ne bayan kiya, un se Ubaidullah bin Abdullah ne aur un se Abu Hurairah aur Zaid bin Khalid Juhani Radi Allahu Anhuma ne bayan kiya ke ek dehati aaye aur arz kiya: ya Rasul Allah! hamara faisla Kitab Allah ke mutabiq kar dijiye. Phir doosre fareeq khade hue aur unhon ne bhi kaha ke yeh sahih kehte hain, hamara faisla Kitab Allah se kar dijiye. Phir dehati ne kaha mera larka is shakhs ke yahan mazdoor tha, phir us ne is ki biwi ke saath zina kar liya to logon ne mujh se kaha ke tumhare larke ka hukm ise rajm karna hai lekin mein ne apne larke ki taraf se sau bakriyon aur ek baandi ka fidya de diya. Phir mein ne ahl-e-ilm se poocha to unhon ne kaha ke tumhare larke ko sau kode maare jayein ge aur ek saal ke liye shehar badar ho ga. Nabi Kareem صلی اللہ علیہ وسلم ne farmaya ke mein tumhare darmiyan Allah ki kitab ke mutabiq faisla karoon ga. Baandi aur bakriyan to tumhein wapas milein gi aur tere larke ki saza sau kode aur ek saal ke liye jala watan hona hai aur Unais (jo ek sahabi thay) se farmaya ke tum is ki biwi ke paas jao aur ise rajm karo. Chunancha Unais Radi Allahu Anhu is ke paas gaye aur ise rajm kiya.

Hum se Abul Waleed ne bayan kiya, unhon ne kaha ke hum ko Laith Bin Saad ne khabar di, unhein Ibn Shihab ne, unhein Ubaidullah ne, unhein Zaid Bin Khalid aur Abu Hurairah (Radi Allahu Anhuma) ne ke Nabi Kareem (Sallallahu Alaihi Wasallam) ne Ibn Dahhak Aslami (Radi Allahu Anhu) se farmaya, ay Unais! is khatoon ke yahan ja. Agar wo zina ka iqrar kar lay to ise sangsar kar day
.

Hum se Abul Waleed ne bayan kiya, unhon ne kaha ke hum ko Laith Bin Saad ne khabar di, unhein Ibn Shihab ne, unhein Ubaidullah ne, unhein Zaid Bin Khalid aur Abu Hurairah (Radi Allahu Anhuma) ne ke Nabi Kareem (Sallallahu Alaihi Wasallam) ne Ibn Dahhak Aslami (Radi Allahu Anhu) se farmaya, ay Unais! is khatoon ke yahan ja. Agar wo zina ka iqrar kar lay to ise sangsar kar day
.