`Hum se Mu'alla bin Asad ne bayan kiya, kaha hum se Wuhaib ne bayan kiya, un se Ayub ne, un se Nafi' ne aur un se Abdullah bin Umar Radi Allahu Anhuma ne bayan kiya ke mein ne khwab mein dekha ke goya mere haath mein resham ka ek tukda hai aur mein jannat mein jis jagah jaana chahta hoon wo mujhe uda kar wahan pahuncha deta hai. Mein ne is ka zikr Hafsa Radi Allahu Anha se kiya.

Hum se Musaddad ne bayan kiya , unhon ne kaha ke hum se Yahya ne Ubaidullah ke wastay se bayan kiya , unhon ne kaha ke mujh ko Nafi ne bayan kiya , kaha ke mujhe Abdullah bin Umar raziyallahu anhuma ne khabar di ke woh apni naujawani mein jab ke un ke biwi bache nahi thay Nabi Karim salla Allahu alaihi wa sallam ki masjid mein soya karte thay .