Ibn Shihab ne bayan kiya ke phir mujhe unhon ne khabar di , jinon ne Jabir bin Abdullah razi Allahu anhuma se suna thu ke unhon ne kaha ke rajm karne walon mein , main bhi thu hum ne unhein aabadi se bahar Eid-gah ke paas rajm kiya tha jab in par patthar pare to woh bhaag pare lekin hum ne unhein Harrah ke paas pakra aur rajm kar diya .

Hum se Asbagh bin Faraj ne byaan kiya , kaha hum ko Abdullah bin Wahb ne khabar di , unhein Yunus ने , unhein Ibn Shihab ne , kaha ke mujhe Abu Salamah bin Abdur Rahman ne khabar di aur unhein Jabir razi Allahu anhu ne ke qabila Aslam ke ek sahab Maiz naami masjid mein Nabi Karim salla Allahu alaihi wasallam ki khidmat mein hazir huay aur arz kiya ke unhon ne zina kiya hai . Nabi Karim salla Allahu alaihi wasallam ne in se munh morr liya lekin phir woh Nabi Karim salla Allahu alaihi wasallam ke samne aa gaye (aur zina ka iqrar kiya) phir unhon ne apne oopar char martaba shahadat di to Nabi Karim salla Allahu alaihi wasallam ne unhein mukhatib karte huay farmaya ke tum pagal to nahi ho , kiya waqayi tum ne zina kiya hai ? Unhon ne arz kiya ke ji haan , phir Aap ne poocha kiya tu shadi-shuda hai ? Is ne kaha ke ji haan ho chuki hai . Phir Nabi Karim salla Allahu alaihi wasallam ne unhein Eid-gaah par rajam karne ka hukm diya . Jab unhein patthar laga to woh bhaagne lage lekin unhein Harra ke paas pakra gaya aur jaan se maar diya gaya .