Mujh se Ishaq Wasiti ne bayan kiya, kaha hum se Khalid Tahhan ne bayan kiya, in se Shaybani ne kaha main ne Abdullah bin Abi Aufa razi Allahu anhu se poochha kiya Rasool Allah salla Allahu alaihi wasallam ne kisi ko rajm kiya thu? Unhon ne kaha ke haan main ne poochha: Surah al-Noor se pehle ya is ke baad kaha ke yeh mujhe maloom nahi (amar na-maloom ke liye izhar e la-ilmi kar dena bhi amar mahmood hai).

Hum se Musa bin Ismail ne bayan kiya , kaha hum se Abd-ul-Wahid bin Ziyad ne bayan kiya , kaha hum se Shaybani ne bayan kiya main ne Abdullah bin Abi Aufa razi Allahu anhu se rajm ke baare mein poochha to unhon ne batlaya ke Nabi Karim salla Allahu alaihi wasallam ne rajm kiya thu , main ne poochha Surah al-Noor se pehle ya is ke baad , unhon ne batlaya ke mujhe maloom nahi . Is riwayat ki mutabia-t Ali bin Mushir , Khalid bin Abdullah al-Muharibi aur Ubaidah bin Humayd ne Shaybani se ki hai aur baaz ne (Surah al-Noor ke bajaye) Surah al-Maida ka zikr kiya hai lekin pehli riwayat sahih hai .