Hum se Makki bin Ibrahim ne bayan kiya , in se Juaid ne , in se Yazid bin Khusaifah ne , in se Saib bin Yazid ne bayan kiya ke Rasool Allah salla Allahu alaihi wasallam aur Abu Bakr razi Allahu anhuaur phir Umar razi Allahu anhuke ibtedai daur e khilafat mein sharab peene wala hamare paas laya jata to hum apne hath , joote aur chadrein le kar khare ho jaate (aur usay maarte) aakhir Umar razi Allahu anhune apne aakhri daur e khilafat mein sharab peene walon ko chalis koray mare aur jab in logon ne mazeed sarkashi ki aur fisq o fujoor kiya to (80) assi koray mare .

Hum se Ibn Salam ne bayan kiya, kaha ke hum ko Abdul Wahhab Saqafi ne khabar di, unhein Ayyub ne, unhein Ibn Abi Mulaikah ne aur un se Uqbah Bin Haris (Radi Allahu Anhu) ne bayan kiya ke Nuayman ya Ibn Nuayman ko Nabi Kareem (Sallallahu Alaihi Wasallam) ki khidmat mein hazir kiya gaya. Unhon ne sharab pee li thi. Jo log is waqt ghar mein maujood thay Rasul Allah (Sallallahu Alaihi Wasallam) ne unhein ko ise maarne ka hukum diya. Unhon ne bayan kiya mein bhi maarne walon se tha. Hum ne jooton aur chhariyon se unhein maara tha
.

Hum se Hafs bin Umar ne bayan kiya , unhon ne kaha hum se Hisham ne bayan kiya , in se Qatadah ne bayan kiya , in se Anas bin Malik razi Allahu anhu ne bayan kiya , Nabi Karim salla Allahu alaihi wasallam (doosri sanad) hamase Adam ne bayan kiya , kaha hum se Shubah ne bayan kiya , kaha hamase Qatadah ne bayan kiya , in se Anas bin Malik razi Allahu anhu ne bayan kiya ke Nabi Karim salla Allahu alaihi wasallam ne sharab peene par chhari aur joote se mara thu aur Abu Bakr razi Allahu anhune chalis koray mare .

Hum se Qutaybah ne bayan kiya , kaha hum se Abd-ul-Wahhab ne bayan kiya , in se Ayub ne , in se Ibn Abi Mulaykah ne , in se Uqbah bin Haris razi Allahu anhu ne bayan kiya ke Nuayman ya Ibn Nuayman ko sharab ke nasha mein laya gaya to Rasool Allah salla Allahu alaihi wasallam ne ghar mein maujood logon ko hukm diya ke unhein marein , unhon ne mara Uqbah kehte hain main bhi in logon mein thu jinon ne is ko jooton se mara .

Hum se Sulayman bin Harb ne bayan kiya , kaha hum se Wuhaib bin Khalid ne bayan kiya , in se Ayub ne , in se Abdullah bin Abi Mulaykah ne aur in se Uqbah bin Haris razi Allahu anhu ne ke Nabi Karim salla Allahu alaihi wasallam ke paas Nuayman ya Ibn Nuayman ko laya gaya , woh nasha mein thu . Nabi Karim salla Allahu alaihi wasallam par yeh nagowar guzra aur Aap ne ghar mein maujood logon ko hukm diya ke unhein marein . Chunanche logon ne unhein lakri aur jooton se mara aur main bhi in logon mein thu jinon ne usay mara thu .

Hum se Muslim ne bayan kiya , kaha hum se Hisham ne bayan kiya , kaha hamase Qatadah ne bayan kiya , in se Anas razi Allahu anhu ne bayan kiya ke Nabi Karim salla Allahu alaihi wasallam ne sharab peene par chhari aur jooton se mara thu aur Abu Bakr razi Allahu anhune chalis (40) koray lagwaye thay .

Hum se Qutaybah ne bayan kiya , in se Abu Dhamra ne bayan kiya , in se Anas ne bayan kiya , in se Yazid bin al-Haad ne bayan kiya , in se Muhammad bin Ibrahim ne bayan kiya , in se Abu Salamah ne bayan kiya aur in se Abu Hurairah razi Allahu anhu ne ke Rasool Allah salla Allahu alaihi wasallam ke paas ek shakhs ko laya gaya jo sharab piye huay thu to Aap salla Allahu alaihi wasallam ne farmaya usay maro , Abu Hurairah razi Allahu anhu ne bayan kiya ke hum mein baaz woh thay jinon ne usay hath se mara , baaz ne joote se mara aur baaz ne apne kapre se mara . Jab maar chuke to kisi ne kaha ke Allah tujhe ruswa kare . Nabi Karim salla Allahu alaihi wasallam ne farmaya ke is tarah ke jumle na kaho , is ke muamla mein shaytan ki madad na kar .

Hum se Ali bin Abdullah bin Jafar ne bayan kiya , unhon ne hamase Anas bin Iyaz ne bayan kiya , in se Ibn al-Haad ne bayan kiya , in se Muhammad bin Ibrahim ne bayan kiya , in se Abu Salamah ne bayan kiya aur in se Abu Hurairah razi Allahu anhu ne bayan kiya ke Nabi Karim salla Allahu alaihi wasallam ke paas ek shakhs nasha mein laya gaya to Nabi Karim salla Allahu alaihi wasallam ne unhein maarne ka hukm diya . Hum mein se baaz ne unhein hath se mara , baaz ne joote se mara aur baaz ne kapre se mara . Jab maar chuke to ek shakhs ne kaha , kiya ho gaya isay ? Allah usay ruswa kare . Nabi Karim salla Allahu alaihi wasallam ne farmaya ke apne bhai ke khilaf shaytan ki madad na karo .