Hum se Sulayman bin Harb ne bayan kiya , kaha hum se Wuhaib bin Khalid ne bayan kiya , in se Ayub ne , in se Abdullah bin Abi Mulaykah ne aur in se Uqbah bin Haris razi Allahu anhu ne ke Nabi Karim salla Allahu alaihi wasallam ke paas Nuayman ya Ibn Nuayman ko laya gaya , woh nasha mein thu . Nabi Karim salla Allahu alaihi wasallam par yeh nagowar guzra aur Aap ne ghar mein maujood logon ko hukm diya ke unhein marein . Chunanche logon ne unhein lakri aur jooton se mara aur main bhi in logon mein thu jinon ne usay mara thu .

Hum se Muslim ne bayan kiya , kaha hum se Hisham ne bayan kiya , kaha hamase Qatadah ne bayan kiya , in se Anas razi Allahu anhu ne bayan kiya ke Nabi Karim salla Allahu alaihi wasallam ne sharab peene par chhari aur jooton se mara thu aur Abu Bakr razi Allahu anhune chalis (40) koray lagwaye thay .

Hum se Qutaybah ne bayan kiya , in se Abu Dhamra ne bayan kiya , in se Anas ne bayan kiya , in se Yazid bin al-Haad ne bayan kiya , in se Muhammad bin Ibrahim ne bayan kiya , in se Abu Salamah ne bayan kiya aur in se Abu Hurairah razi Allahu anhu ne ke Rasool Allah salla Allahu alaihi wasallam ke paas ek shakhs ko laya gaya jo sharab piye huay thu to Aap salla Allahu alaihi wasallam ne farmaya usay maro , Abu Hurairah razi Allahu anhu ne bayan kiya ke hum mein baaz woh thay jinon ne usay hath se mara , baaz ne joote se mara aur baaz ne apne kapre se mara . Jab maar chuke to kisi ne kaha ke Allah tujhe ruswa kare . Nabi Karim salla Allahu alaihi wasallam ne farmaya ke is tarah ke jumle na kaho , is ke muamla mein shaytan ki madad na kar .

Hum se Abdullah bin Abd-ul-Wahhab ne bayan kiya , unhon ne kaha hum se Khalid bin al-Haris ne bayan kiya , unhon ne kaha hum se Sufyan ne bayan kiya , in se Abu Haseen ne , unhon ne kaha ke main ne Umair bin Saeed Nakhai se suna , kaha ke main ne Ali bin Abi Talib razi Allahu anhu se suna , unhon ne kaha ke main nahi pasand karoon ga ke hadd mein kisi ko aaisi saza doon ke woh mar jaye aur phir mujhe is ka ranj ho , siwa sharabi ke ke agar woh mar jaye to main is ki diyat ada kar doon ga kyunke Rasool Allah salla Allahu alaihi wasallam ne is ki koi hadd muqarrar nahi ki thi .

Hum se Makki bin Ibrahim ne bayan kiya , in se Juaid ne , in se Yazid bin Khusaifah ne , in se Saib bin Yazid ne bayan kiya ke Rasool Allah salla Allahu alaihi wasallam aur Abu Bakr razi Allahu anhuaur phir Umar razi Allahu anhuke ibtedai daur e khilafat mein sharab peene wala hamare paas laya jata to hum apne hath , joote aur chadrein le kar khare ho jaate (aur usay maarte) aakhir Umar razi Allahu anhune apne aakhri daur e khilafat mein sharab peene walon ko chalis koray mare aur jab in logon ne mazeed sarkashi ki aur fisq o fujoor kiya to (80) assi koray mare .