Hum se Qutaybah bin Saeed ne bayan kiya, unhon ne kaha hum se Muhammad bin Fuzhail ne bayan kiya, unhon ne kaha hum se Ammarah bin Qaqaa ne bayan kiya, unhon ne kaha hum se Abu Zurah ne bayan kiya aur in se Abu Hurairah razi Allahu anhu ne bayan kiya ke Rasool Allah salla Allahu alaihi wasallam ne farmaya ”do kalme jo zaban par halke hain lekin tarazu par (aakhirat mein) bhaari hain aur Allah Rahman ke yahan pasandida hain woh yeh hain «sub-haanallaahi wa bi-hamdihee, sub-haanallaah-il-azheemi» .“

Hum se Zuhayr bin Harb ne bayan kiya, unhon ne kaha hum se Ibn Fuzhail ne bayan kiya, in se Ammarah ne, in se Abu Zurah ne aur in se Abu Hurairah razi Allahu anhu ne bayan kiya ke Nabi Karim salla Allahu alaihi wasallam ne farmaya ”do kalme jo zaban par halke hain tarazu mein bahut bhaari aur Rahman ko azeez hain «sub-haanallaah-il-azheemi, sub-haanallaahi wa bi-hamdihee» .“

Hum se Ahmad bin Ishkaab ne bayan kiya, kaha hamase Muhammad bin Fuzhail ne, in se Ammarah bin Qaq-qaa ne, unhon ne Abu Zurah se, unhon ne Abu Hurairah razi Allahu anhuse unhon ne kaha ke Nabi kareem salla Allahu alaihi wasallam ne farmaya ”do kalme aise hain jo Allah Tabarak wa Ta'ala ko bahut hi pasand hain jo zaban par halke hain aur Qayamat ke din aamal ke tarazu mein bojhal aur ba-wazhan hon ge, woh kalmat e mubaraka yeh hain «sub-haanallaahi wa bi-hamdihee, sub-haanallaahil-azheemi» .