Mujh se Ishaq ne bayan kiya, kaha hamain ko Habban ne khabar di, kaha hum se Humam ne bayan kiya, kaha hamase Qatadah ne bayan kiya, kaha hamase Anas bin Malik razi Allahu anhu ne bayan kiya ke unhon ne Nabi Karim salla Allahu alaihi wasallam se suna, Aap salla Allahu alaihi wasallam farma rahe thay ke rukoo aur sajda poore taur par ada kiya karo. Allah ki qasam jis ke hath mein meri jaan hai main apni kamar ke peeche se tum ko dekh laita hoon jab rukoo aur sajda karte ho.

Hum se Abdullah bin Yusuf ne bayan kiya , unhon ne kaha ke humein Imam Malik ne Abul Zinad se khabar di , unhon ne Araj se , unhon ne Abu Hurairah raziyallahu anhu se ke Rasool Allah salla Allahu alaihi wa sallam ne farmaya kya tumhara yeh khayal hai ke mera munh namaz mein qibla ki taraf hai , Allah ki qasam mujh se na tumhara khushoo chhupta hai na rukoo , mein apni peeth ke peechay se tum ko dekhta rehta hun .

Hum se Yahya bin Saleh ne bayan kiya , unhon ne kaha hum se Fulaih bin Sulaiman ne Hilal bin Ali se , unhon ne Anas bin Malik raziyallahu anhu se , woh kehte hain ke Nabi Karim salla Allahu alaihi wa sallam ne humein ek martaba namaz parhayi , phir aap salla Allahu alaihi wa sallam minbar par charhay , phir namaz ke bab mein aur rukoo ke bab mein farmaya mein tumhein peechay se bhi isi tarah dekhta rehta hun jaisay ab samne se dekh raha hun .

Hum se Abu Mamar ne byaan kiya , kaha ke hum se Abdul Warith ne Abdul Aziz bin Suhayb se byaan kiya , unhon ne Anas razi Allahu anhu se ke Nabi Karim salla Allahu alaihi wasallam ne farmaya . Safain seedhi kar lo . Main tumhein apni peeth ke peeche se dekh raha hoon .

Hum se Ahmad bin Abi Raja ne byaan kiya , unhon ne kaha ke hum se Muawiyah bin Amr ne byaan kiya , unhon ne kaha ke hum se Zaidah bin Qudamah ne byaan kiya , kaha ke hum se Humayd Taweel ne byaan kiya , kaha ke hum se Anas bin Malik razi Allahu anhu ne byaan kiya , unhon ne kaha ke namaaz ke liye takbeer kahi gayi to Rasool Allah salla Allahu alaihi wasallam ne apna munh hamari taraf kiya aur farmaya ke apni safain barabar kar lo aur mil kar kharay ho jao . Main tum ko apni peeth ke peeche se bhi dekhta rehta hoon .

Hum se Amr bin Khalid ne byaan kiya , kaha ke hum se Zuhayr bin Muawiyah ne Humayd se byaan kiya , unhon ne Anas razi Allahu anhu se , unhon ne Nabi Akram salla Allahu alaihi wasallam se ke Aap salla Allahu alaihi wasallam ne farmaya , safain barabar kar lo . Main tumhein apne peeche se bhi dekhta rehta hoon aur hum mein se har shakhs yeh karta ke (saf mein) apna kandha apne saathi ke kandhe se aur apna qadam (paon) us ke qadam (paon) se mila deta tha .

Hum se Ismail bin Abi Uways ne byaan kiya , kaha ke mujh se Imam Malik rahimahullah ne Abuz Zinad se byaan kiya , unhon ne Araj se , unhon ne Abu Hurayrah razi Allahu anhu se ke Rasool Allah salla Allahu alaihi wasallam ne farmaya ke , kya tum samajhte ho ke mera munh idhar (qiblah ki taraf) hai . Allah ki qasam tumhara ruku aur tumhara khushoo mujh se kuch chhupa hua nahi hai , main tumhein apne peeche se bhi dekhta rehta hoon .

Hum se Muhammad bin Bashar ne byaan kiya , unhon ne kaha ke hum se Ghundar ne byaan kiya , unhon ne kaha ke hum se Shubah ne byaan kiya , kaha ke main ne Qatadah se suna , woh Anas bin Malik razi Allahu anhu se bayan karte thay aur woh Nabi Karim salla Allahu alaihi wasallam se ke Aap salla Allahu alaihi wasallam ne farmaya ruku aur sujood poori tarah kiya karo . Allah ki qasam! main tumhein apne peeche se bhi dekhta rehta hoon ya is tarah kaha ke peeth peeche se jab tum ruku karte ho aur sajda karte ho (to main tumhein dekhta hoon) .