Hum se Yahya bin Sulayman ne bayan kiya, unhon ne kaha ke mujh se Ibn Wahb ne bayan kiya, unhon ne kaha ke mujhe Haywah ne khabar di, kaha ke mujh se Abu Aqeel Zhahra bin Ma'bad ne bayan kiya, unhon ne apne dada Abdullah bin Hisham se suna, unhon ne bayan kiya ke hum Nabi Karim salla Allahu alaihi wasallam ke saath thay aur Aap Umar bin Khattab razi Allahu anhu ka hath pakre huay thay. Umar razi Allahu anhu ne arz kiya: ya Rasool Allah! Aap mujhe har cheez se zyada azeez hain, siwa meri apni jaan ke. Nabi Karim salla Allahu alaihi wasallam ne farmaya ke nahi, is zaat ki qasam jis ke hath mein meri jaan hai. (Iman is waqt tak mukammal nahi ho sakta) jab tak main tumhein tumhari apni jaan se bhi zyada azeez na ho jaoon. Umar razi Allahu anhu ne arz kiya: phir wallah! Ab Aap mujhe meri apni jaan se bhi zyada azeez hain. Nabi Karim salla Allahu alaihi wasallam ne farmaya ke haan, Umar! Ab tera iman poora hua.

Hum se Yahya bin Sulaiman ne bayan kiya, kaha ke mujh se Abdullah bin Wahb ne bayan kiya, kaha ke mujhe Haiwah bin Shuraih ne khabar di, kaha ke mujh se Abu Aqeel Zahrah bin Ma'bad ne bayan kiya aur unhon ne apne dada Abdullah bin Hisham Radi Allahu Anhu se suna, unhon ne bayan kiya ke hum ek martaba Nabi Kareem Sallallahu Alaihi Wa Sallam ke sath thay. Aap is waqt Umar bin Khattab Radi Allahu Anhu ka hath apne hath mein liye hue thay.