Hum se Muhammad bin Bashar ne bayan kiya , kaha hum se Ghundar Muhammad bin Jafar ne bayan kiya , kaha hum se Shubah ne bayan kiya , in se Abu Bishr ne , in se Saeed bin Jubayr ne aur in se Abdullah bin Abbas razi Allahu anhuma ne bayan kiya ke Nabi Karim salla Allahu alaihi wasallam se mushrikeen ki aulad ke baare mein sawal kiya gaya to Aap salla Allahu alaihi wasallam ne farmaya ke Allah ko khoob maloom hai ke woh (bare ho kar) kya amal karte .

Hum se Habban bin Musa Marwazi ne byaan kiya ‘ kaha ke humein Abdullah bin Mubarak ne khabar di ‘ kaha ke humein Shubah ne khabar di ‘ unhein Abu Bishr Jafar ne ‘ unhein Saeed bin Jubair ne ‘ un ko Ibn Abbas razi Allahu anhuma ne ke Nabi Karim salla Allahu alaihi wasallam se mushrikon ke nabaligh baccho ke baare mein poocha gaya . Aap salla Allahu alaihi wasallam ne farmaya ke Allah Ta'ala ne jab unhein paida kiya tha isi waqt woh khoob jaanta tha ke yeh kya amal kareinge .

Hum se Abul Yaman Hakam bin Nafi ne byaan kiya ‘ kaha ke humein Shuayb ne Zuhri se khabar di ‘ unhon ne kaha ke mujhe Ata bin Yazid Laythi ne khabar di ‘ unhon ne Abu Hurairah razi Allahu anhu se suna ‘ Aap ne farmaya ke Rasool Allah salla Allahu alaihi wasallam se mushrikon ke nabaligh baccho ke baare mein poocha gaya . Aap salla Allahu alaihi wasallam ne farmaya ke Allah khoob jaanta hai jo bhi woh amal karne wale hue .

Hum se Yahya bin Bukayr ne bayan kiya , unhon ne kaha hum se Layth bin Saad ne bayan kiya , in se Yunus ne bayan kiya , in se Ibn Shihab ne bayan kiya , unhon ne kaha ke mujhe Ata bin Yazid ne khabar di , unhon ne Abu Hurairah razi Allahu anhu se suna , unhon ne bayan kiya ke Rasool Allah salla Allahu alaihi wasallam se mushrikeen ki aulad ke mutalliq poochha gaya to Aap salla Allahu alaihi wasallam ne farmaya ke Allah khoob jaanta hai ke woh kya amal karte .