Aur agar logon ko yeh maloom ho jaye ke Zuhr ki namaaz ke liye sawere jane mein kya sawab hai to us ke liye ek doosre par sabqat le jane ki koshish karen aur agar yeh jaan jayen ke Isha aur subah ki namaaz ke fazail kitne hain , to ghatnon ke bal ghasitte huay un ke liye ayen .

Hum se Abdullah bin Yusuf Tinnisi ne bayan kiya , kaha ke humein Imam Malik ne Sumi se jo Abu Bakr Abdur Rahman bin Harith ke ghulam thay khabar di , unhon ne Abu Saleh Dhakwan se , unhon ne Abu Hurairah raziyallahu anhu se ke Nabi Karim salla Allahu alaihi wa sallam ne farmaya ke agar logon ko maloom hota ke azan kehne aur namaz pehli saff mein parhne se kitna sawab milta hai . Phir un ke liye qurah dalne ke siwa aur koi chara na baqi rehta , to albatta is par qurah andazi hi karte aur agar logon ko maloom ho jata ke namaz ke liye jaldi aane mein kitna sawab milta hai to is ke liye doosre se aage barhne ki koshish karte . Aur agar logon ko maloom ho jata ke isha aur subah ki namaz ka sawab kitna milta hai , to zaroor chotaron ke bal ghasitte hue un ke liye aate .

Hum se Abdullah Bin Yusuf Tanisi ne bayan kiya, kaha hum ko Imam Malik ne khabar di, unhein Sumi ne, unhein Abu Salih ne aur un se Abu Hurairah (Radi Allahu Anhu) ne bayan kiya ke Rasul Allah (Sallallahu Alaihi Wasallam) ne farmaya, ek shaks raste par chal raha tha ke us ne wahan kante dar dali dekhi. Us ne use utha liya to Allah Ta'ala ne us ka ye amal qabool kiya aur us ki maghfirat kar di
.