Hum se Ali bin Jad ne bayan kiya , kaha hum ko Shubah bin Hajjaj ne khabar di , unhein Aamash ne , unhein Mujahid ne aur in se Aisha razi Allahu anha ne bayan kiya ke Nabi Karim salla Allahu alaihi wasallam ne farmaya ”jo log mar gaye un ko bura na kaho kyunke jo kuch unhon ne aage bheja thu is ke paas woh khud pahunch chuke hain , unhon ne bure bhale jo bhi amal kiye thay waisa badla pa liya .“

Hum se Adam bin Abi Iyas ne byaan kiya ‘ unhon ne kaha hum se Shubah ne byaan kiya ‘ un se Aamash ne byaan kiya ‘ un se Mujahid ne byaan kiya aur un se Umm-ul-Moomineen Aisha razi Allahu anha ne ke Nabi Karim salla Allahu alaihi wasallam ne farmaya ‘ mardon ko bura na kaho kyunke unhon ne jaisa amal kiya is ka badla pa liya . Is riwayat ki mutaba'at Ali bin Jad ‘ Muhammad bin Ar'arah aur Ibn Abi Adi ne Shubah se ki hai . Aur is ki riwayat Abdullah bin Abdul Quddoos ne Aamash se aur Muhammad bin Anas ne bhi Aamash se ki hai .