Hum se Muslim bin Ibrahim ne byaan kiya , kaha ke hum se Hisham Dastuwai ne byaan kiya , kaha mujhe Yahya ne Abdullah Abdur Wahhab bin Abi Qatadah se yeh hadees likh kar bheji ke woh apne baap (Abu Qatadah) se bayan kartay thay ke Rasool Allah salla Allahu alayhi wasallam ne farmaya ke jab namaaz ke liye takbeer kahi jaye to us waqt tak na kharay ho jab tak mujhe nikalte huay na dekh lo .

Hum se Abu Naeem Fadl bin Dukayn ne byaan kiya , kaha hum se Shayban ne Yahya bin Abi Kathir se byaan kiya , unhon ne Abdullah bin Abi Qatadah se , unhon ne apne baap Abu Qatadah Harith bin Rabee razi Allahu anhu se ke Rasool Allah salla Allahu alayhi wasallam ne farmaya ke namaaz ki takbeer ho to jab tak mujhe dekh na lo kharay na ho aur aahistagi ko laazim rakho . Shayban ke saath is hadees ko Yahya se Ali bin Mubarak ne bhi riwayat kiya hai .

Hum se Amr bin Ali Falaas ne byaan kiya , kaha ke hum se Abu Qutaybah bin Qutaybah ne byaan kiya , kaha ke hum se Ali bin Mubarak ne Yahya bin Abi Kaseer se byaan kiya , un se Abdullah bin Abi Qatadah ne (Imam Bukhari rahmahu Allah kehte hain ke mujhe yaqeen hai ke) Abdullah ne apne baap Abu Qatadah se riwayat ki hai , woh Nabi Karim salla Allahu alaihi wasallam se raawi hain ke Aap salla Allahu alaihi wasallam ne farmaya jab tak mujhe dekh na lo saf bandi ke liye kharay na hua karo aur aahistagi se chalna laazim kar lo .