Hum se Ishaq ne bayan kiya kaha hum ko Abd-ul-Samad ne khabar di, unhein Abdullah bin Musanna ne khabar di in se Sumama bin Abdullah ne bayan kiya aur in se Anas razi Allahu anhu ne ke Rasool Allah salla Allahu alaihi wasallam jab kisi ko salam karte (aur jawab na milta) to teen martaba salam karte thay aur jab Aap salla Allahu alaihi wasallam koi baat farmate to (zyada se zyada) teen martaba usay dohrate.

Hum se Abdah ne bayan kiya, un se Abdus Samad ne, un se Abdullah bin Muthanna ne, un se Thumama bin Abdullah bin Anas ne, un se Anas Radhiallahu Anhu ne bayan kiya, woh Nabi-e-Akram Sallallahu Alaihi Wasallam se riwayat karte hain ke jab Aap Sallallahu Alaihi Wasallam salaam karte to teen baar salaam karte aur jab koi Kalimah irshaad farmaate to use teen baar dohraate yahan tak ke khoob samajh liya jaata.

Hum se Abdah ne bayan kiya, un se Abdus Samad ne, un se Abdullah bin Muthanna ne, un se Thumama bin Abdullah bin Anas ne, unhon ne Anas bin Malik Radhiallahu Anhu se bayan kiya, woh Rasoolullah Sallallahu Alaihi Wasallam se riwayat karte hain ke jab Aap Sallallahu Alaihi Wasallam koi Kalimah irshaad farmaate to use teen baar lautaate yahan tak ke khoob samajh liya jaata. Aur jab kuch logon ke paas Aap Sallallahu Alaihi Wasallam tashreef laate aur unhein salaam karte to teen baar salaam karte.