Hum se Ali bin Ayyash Hamdani ne bayan kiya , unhon ne kaha ke hum se Shoaib bin Abi Hamza ne bayan kiya , unhon ne Muhammad bin Al-Munkadir se bayan kiya , unhon ne Jabir bin Abdullah raziyallahu anhuma se ke Rasool Allah salla Allahu alaihi wa sallam ne farmaya ke jo shakhs azan sun kar yeh kahe Allahumma rabba hazihi ad-dawat at-tamma wa as-salat al-qaaima aati Muhammadan al-waseelata wa al-fadeelata wa abathhu maqaman mahmoodan alladhi waadtahu isay qiyamat ke din meri shafaat mile gi .

Hum se Ali bin Ayash ne byaan kiya , unhon ne kaha hum se Shuayb bin Abi Hamzah ne byaan kiya , un se Muhammad bin Munkadir ne byaan kiya aur un se Jabir bin Abdullah Ansari razi Allahu anhuma ne byaan kiya ke Rasool Allah salla Allahu alaihi wasallam ne farmaya ke jis ne azaan sun kar yeh dua parhi «allahumma rabba haazhihid-dawatit-taammati wassalatil qa'imati , aati Muhammadanil waseelata wal fadeelata , wab-as-hu maqaamam mahmoodanillazhi wa-adtahu , hallat lahu shafa'ati yawmal qiyamati» ”Ae Allah! Is kamil pukaar ke Rabb aur khari hone wali namaz ke Rabb! Muhammad (salla Allahu alaihi wasallam) ko qurb aur fazeelat ata farma aur unhein Maqam e Mahmood par khara kijo . Jis ka tu ne un se waada kiya hai .“ To is ke liye Qayamat ke din meri shafaat zaroori ho gi . Is hadees ko Hamzah bin Abdullah ne bhi apne walid (Abdullah bin Umar razi Allahu anhuma) se riwayat kiya hai aur unhon ne Nabi Karim salla Allahu alaihi wasallam se .