Hum se Musaddad ne bayan kiya, kaha hum se Yazid bin Zuray ne bayan kiya, kaha hum se Khalid Hazza ne bayan kiya, in se Ikrimah ne aur in se Ibn Abbas razi Allahu anhuma ne bayan kiya ke jab Nabi Karim salla Allahu alaihi wasallam Makkah Mukarramah tashreef laaye (fatah ke mauqa par) to Abd-ul-Mutalib ki aulad ne (jo Makkah mein thi) Aap ka istiqbal kiya. (Yeh sab bache hi thay) Aap ne az-rah e mohabbat ek bache ko apne samne aur ek ko apne peeche bitha liya.

Hum se Mualla Bin Asad ne bayan kiya, kaha hum se Yazid Bin Zuraie ne bayan kiya, un se Khalid ne bayan kiya, un se Ikrima ne aur un se Ibn Abbas (Radi Allahu Anhuma) ne bayan kiya ke jab Nabi Kareem (Sallallahu Alaihi Wasallam) Makkah tashreef laye to Bano Abdul Muttalib ke chand bachon ne Aap (Sallallahu Alaihi Wasallam) ka istiqbal kiya, Aap (Sallallahu Alaihi Wasallam) ne ek bache ko (apni sawari ke) aage bitha liya aur doosre ko peeche
.

Hum se Qutaiba ne bayan kiya, kaha hum se Ismail Bin Jafar ne bayan kiya, un se Abu Suhail Nafi Bin Malik ne, un se un ke walid ne, un se Abu Hurairah (Radi Allahu Anhu) ne ke Rasul Allah (Sallallahu Alaihi Wasallam) ne farmaya jab Ramzan aata hai to jannat ke darwaze khol diye jate hain
.