Hum se Muhammad bin Musanna ne bayan kiya, kaha ke mujh se Ibn Abi Adi ne bayan kiya, in se Ibn Aun ne aur in se Mujahid ne bayan kiya ke hum Ibn Abbas razi Allahu anhuma ke paas baithe huay thay. Logon ne Dajjal ka zikr kiya aur kisi ne kaha ke is ki donon aankhon ke darmiyan lafz ”kafir“ likha ho ga. Is par Ibn Abbas razi Allahu anhuma ne kaha ke Rasool Allah salla Allahu alaihi wasallam ko yeh farmate huay main ne to nahi suna albatta Aap salla Allahu alaihi wasallam ne yeh farmaya tha ke agar tumhein Ibrahim alaihissalam ko dekhna ho to apne sahab (khud Nabi Karim salla Allahu alaihi wasallam) ko dekho (ke Aap bilkul in ke hum-shakal hain) aur Musa alaihissalam gandumi rang ke hain baal ghoun-gharyale jaise is waqt bhi main unhein dekh raha hoon ke woh is naale waadi e Azraq naami mein Labbaik kehte huay utar rahe hain in ke surkh oont ki nakeel ki rassi khajoor ki chhaal ki hai.

Hum se Muhammad bin Musanna ne byaan kiya , kaha ke hum se Ibn Adi ne byaan kiya , un se Abdullah bin Aun ne un se Mujahid ne byaan kiya , kaha ke hum Abdullah bin Abbas razi Allahu anhuma ki khidmat mein hazir thay . Logon ne Dajjal ka zikr kiya ke Nabi Karim salla Allahu alaihi wasallam ne farmaya hai ke us ki dono aankhon ke darmiyan kafir likha hua ho ga . To Ibn Abbas razi Allahu anhuma ne farmaya ke maine to yeh nahi suna . Haan Aap salla Allahu alaihi wasallam ne yeh farmaya tha ke goya main Musa alaihis-salam ko dekh raha hoon ke jab Aap naale mein utre to Labbaik keh rahe hain .