Mujh se Muhammad ne hadees bayan ki, unhon ne kaha hamain Abdah ne khabar di, unhein Ubaidullah bin Umar ne khabar di, unhein Nafi ne aur in se Abdullah bin Umar razi Allahu anhuma ne bayan kiya ke Rasool Allah salla Allahu alaihi wasallam ne farmaya ”moonchhein khoob kutarwa liya karo aur darhi ko barhao.“

Hum se Muhammad bin Minhal ne bayan kiya, unhon ne kaha hum se Yazid bin Zuray ne, unhon ne kaha hum se Umar bin Muhammad bin Zayd ne bayan kiya, in se Nafi ne aur in se Abdullah bin Umar razi Allahu anhuma ne ke Nabi Karim salla Allahu alaihi wasallam ne farmaya ”tum mushrikeen ke khilaf karo, darhi chhorr do aur moonchhein kutarwao.“ Abdullah bin Umar razi Allahu anhuma jab Hajj ya Umrah karte to apni darhi (hath se) pakar laite aur (mutthi) se jo baal zyada hote unhein kutarwa dete.