Hum se Muhammad bin Bashar ne bayan kiya, kaha hum se Ghundar ne bayan kiya, in se Shubah ne bayan kiya, in se Qatadah ne, in se Ikrimah ne aur in se Ibn Abbas razi Allahu anhuma ne bayan kiya ke Rasool Allah salla Allahu alaihi wasallam ne in mardon par lanat bheji jo auraton jaisa chaal-chalan ikhtiyar karein aur in auraton par lanat bheji jo mardon jaisa chaal-chalan ikhtiyar karein. Ghundar ke saath is hadees ko Amr bin Marzooq ne bhi Shubah se riwayat kiya.

Hum se Maaz bin Fadala ne bayan kiya, kaha hum se Hisham Dastawai ne, in se Yahya bin Abi Kaseer ne, in se Ikrimah ne aur in se Ibn Abbas razi Allahu anhuma ne bayan kiya ke Rasool Allah salla Allahu alaihi wasallam ne mukhan-nas mardon par aur mardon ki chaal-chalan ikhtiyar karne wali auraton par lanat bheji aur farmaya ke in zanana ban-ne wale mardon ko apne gharon se bahar nikaal do. Ibn Abbas razi Allahu anhuma ne bayan kiya ke Nabi Karim salla Allahu alaihi wasallam ne falan heejray ko nikala tha aur Umar razi Allahu anhu ne falan heejray ko nikala tha.

Hum se Muslim bin Ibrahim ne bayan kiya , kaha hum se Hisham Dastawai ne bayan kiya , kaha hum se Yahya bin Abi Kaseer ne bayan kiya , in se Ikrimah ne aur in se Ibn Abbas razi Allahu anhuma ne bayan kiya ke Nabi Karim salla Allahu alaihi wasallam ne in mardon par lanat ki hai jo mukhan-nas bante hain aur in auraton par lanat ki hai jo mard banein aur Aap salla Allahu alaihi wasallam ne farmaya ke unhein apne gharon se nikaal do . Aur Nabi Karim salla Allahu alaihi wasallam ne falan ko ghar se nikala thu aur Umar razi Allahu anhune falan ko nikala thu .