Mujh se Muhammad bin Musanna ne bayan kiya, kaha ke mujh se Ibn Abi Adi ne bayan kiya, in se Ibn Aun ne, in se Muhammad ne aur in se Anas razi Allahu anhu ne bayan kiya ke jab Umm Sulaym razi Allahu anha ke yahan bacha paida hua to unhon ne mujh se kaha ke Anas is bacha ko dekhte raho koi cheez is ke pait mein na jaye aur ja kar Nabi Karim salla Allahu alaihi wasallam ko apne saath lao taake Nabi Karim salla Allahu alaihi wasallam apna jootha is ke munh mein daalein. Chunanche main Nabi Karim salla Allahu alaihi wasallam ki khidmat mein hazir hua Nabi Karim salla Allahu alaihi wasallam is waqt ek bagh mein thay aur Aap ke jism par qabila Bani Huraish ki bani hui chadar ( «khameesa huraishiyyah») thi aur Aap is sawari par nishan laga rahe thay jis par Aap Fatah Makkah ke mauqa par sawar thay.

Hum se Ibrahim bin Al-Munzir ne byaan kiya ‘ kaha ke hum se Waleed ne byaan kiya ‘ kaha ke hum se Abu Amru Awzai ne byaan kiya ‘ kaha ke mujh se Ishaq bin Abdullah bin Abi Talhah ne byaan kiya ‘ kaha ke mujh se Anas bin Malik razi Allahu anhu ne byaan kiya ke main Abdullah bin Abi Talhah ko le kar Rasool Allah salla Allahu alaihi wasallam ki khidmat mein hazir hua ke Aap salla Allahu alaihi wasallam in ki tahneek kar dein . (Yani apne munh se koi cheez chaba kar in ke munh mein daal dein) maine is waqt dekha ke Aap salla Allahu alaihi wasallam ke haath mein daagh lagane ka aala tha aur Aap salla Allahu alaihi wasallam zakat ke oonton par daagh laga rahe thay .