Hum se Ali bin Abdullah Madini ne bayan kiya, kaha hum se Sufyan Sawri ne bayan kiya, kaha ke mujh se Abd-ur-Rabbih bin Saeed ne bayan kiya, in se Umrah ne aur in se Aisha razi Allahu anha ne ke Nabi Karim salla Allahu alaihi wasallam mareez ke liye (kalme ki ungli zameen par laga kar) yeh dua parhte thay «bismillahi, turbatu ardina. bi-reeqati ba'dina, yushfa saqeemuna bi-izhni rabbina» ”Allah ke naam ki madad se hamari zameen ki matti hum mein se kisi ke thook ke saath taake hamara mareez shifa paye hamare Rabb ke hukm se.“

Mujh se Sadaqah bin Fadl ne bayan kiya, kaha hum ko Ibn Uyaynah ne khabar di, unhein Abdullah bin Saeed ne, unhein Umrah ne aur in se Aisha razi Allahu anha ne bayan kiya ke Nabi Karim salla Allahu alaihi wasallam dum karte waqt yeh dua parha karte thay «turbatu ardina, wa reeqatu ba'dina, yushfa saqeemuna, bi-izhni rabbina» ”hamari zameen ki matti aur hamara baaz thook hamare Rabb ke hukm se hamare mareez ko shifa ho.“