Hum se Zuhayr bin Harb ne bayan kiya, kaha hum se Yaqoob bin Ibrahim ne bayan kiya, kaha hum se hamare walid ne bayan kiya, in se Salih ne bayan kiya, kaha mujh se Ibn Shihab ne bayan kiya, unhein Ubaidullah bin Abdullah ne khabar di aur unhein Abdullah bin Abbas razi Allahu anhuma ne khabar di ke Rasool Allahsalla Allahu alaihi wasallam ek mari hui bakri ke qareeb se guzre to Aap salla Allahu alaihi wasallam ne farmaya ke tum ne is ke chamre se faida kyun nahi uthaya? Logon ne kaha ke yeh to mari hui hai. Nabi kareem salla Allahu alaihi wasallam ne farmaya ke sirf is ka khana haram kiya gaya hai.

Hum se Saeed bin Afair ne byaan kiya ‘ kaha ke hum se Abdullah bin Wahab ne byaan kiya ‘ un se Yunus ne ‘ un se Ibn Shihab ne ‘ kaha ke mujh se Ubaidullah bin Abdullah ne byaan kiya ‘ aur un se Ibn Abbas razi Allahu anhuma ne ke Nabi Karim salla Allahu alaihi wasallam ne Maimoonah razi Allahu anha ki baandi ko jo bakri sadqa mein kisi ne di thi woh mari hui dekhi . Is par Aap salla Allahu alaihi wasallam ne farmaya ke tum log is ke chamre ko kyun nahi kaam mein laye . Logon ne kaha ke yeh to murda hai . Aap salla Allahu alaihi wasallam ne farmaya ke haraam to sirf is ka khana hai .

Hum se Zuhair Bin Harb ne bayan kiya, kaha ke hum se Yaqub Bin Ibrahim ne bayan kiya, un se un ke baap ne bayan kiya, un se Salih ne bayan kiya, ke mujh se Ibn Shihab ne bayan kiya, unhein Ubaidullah Bin Abdullah ne khabar di aur unhein Abdullah Bin Abbas (Radi Allahu Anhuma) ne khabar di ke Rasul Allah (Sallallahu Alaihi Wasallam) ka guzar ek murda bakri par hua. Aap (Sallallahu Alaihi Wasallam) ne farmaya ke is ke chamre se tum logon ne kyun nahi faida utthaya ? sahaba ne arz kiya, ke wo to murdar hai. Aap (Sallallahu Alaihi Wasallam) ne farmaya ke murdar ka sirf khana mana hai
.

Hum se Khattab bin Usman ne bayan kiya, kaha hum se Muhammad bin Humayr ne bayan kiya, in se Sabit bin Ajlan ne bayan kiya, unhon ne Saeed bin Jubayr se suna, unhon ne bayan kiya ke main ne Ibn Abbas razi Allahu anhuma se suna, unhon ne bayan kiya ke Nabi kareem salla Allahu alaihi wasallam ek mare huay bakre ke paas se guzre to farmaya ke is ke malikon ko kiya ho gaya hai agar woh is ke chamre ko kaam mein laate (to behtar hota).

Hum se Muhammad bin Muqatil ne bayan kiya, kaha hum ko Abdullah bin Mubarak ne khabar di, kaha hum ko Ismail bin Abi Khalid ne khabar di, unhein Shubah ne, unhein Ikrimah ne aur in se Ibn Abbas razi Allahu anhuma ne ke Nabi Karim salla Allahu alaihi wasallam ki biwi sahiba Sawdah razi Allahu anha ne bayan kiya ke in ki ek bakri mar gayi to is ke chamre ko hum ne dabaghat de diya. Phir hum is ki mashk mein nabeezh banate rahe yahan tak ke woh purani ho gayi.