Hum se Abu al-Waleed ne bayan kiya, kaha hum se Shubah ne bayan kiya, in se Humayd bin Hilal ne aur in se Abdullah bin Mugaffal razi Allahu anhu ne bayan kiya ke hum Khaibar ke qile ka muasira kiye huay thay ke ek shakhs ne ek thaila phenka jis mein (Yahudiyon ke zabiha ki) charbi ku. Main is par jhapat-ta ke utha loon lekin murr ke jo dekha to peeche Rasool Allahsalla Allahu alaihi wasallam tashreef-farma thay. Main Aap salla Allahu alaihi wasallam ko dekh kar sharma gaya. Ibn Abbas razi Allahu anhuma ne kaha ke (aayat mein) «ta-aamuhum» se murad Ahl e Kitab ka zibah-karda janwar hai.

Hum se Ali Bin Hukam Ansari ne bayan kiya, kaha hum se Abu Awana ne bayan kiya, un se Saeed Bin Masrooq ne, un se Abaya Bin Rifa'a Bin Rafi Bin Khadij (Radi Allahu Anhu) ne aur un se un ke dada (Rafi Bin Khadij Radi Allahu Anhu) ne bayan kiya ke hum Rasul Allah (Sallallahu Alaihi Wasallam) ke sath maqam-e-Zulhulaifa mein thehre hue thay. Logon ko bhook lagi. Idhar (ghanimat mein) ont aur bakriyan mili theen. Unhon ne bayan kiya ke Nabi Kareem (Sallallahu Alaihi Wasallam) lashkar ke peeche ke logon mein thay. Logon ne jaldi ki aur (taqseem se pehle hi) zibah kar ke handiyan charha dein. Lekin baad mein Nabi Kareem (Sallallahu Alaihi Wasallam) ne hukm diya aur wo handiyan oundha di gayein. Phir Aap (Sallallahu Alaihi Wasallam) ne un ko taqseem kiya aur das bakriyon ko ek ont ke barabar rakha. Ek ont is mein se bhag gaya to log ise pakarne ki koshish karne lage. Lekin us ne sab ko thaka diya. Qoum ke paas ghore kam thay. Ek Sahabi teer le kar ont ki taraf jhapte. Allah ne is ko thehra diya. Phir Aap (Sallallahu Alaihi Wasallam) ne farmaya ke in janwaron mein bhi jangli janwaron ki tarah sarkashi hoti hai. Is liye in janwaron mein se bhi agar koi tumhein aajiz kar de to is ke sath tum aisa hi mamla kiya karo. Phir mere dada ne arz kiya ke kal dushman ke hamla ka khauf hai, hamare paas churiyan nahi hain (talwaron se zibah karein to un ke kharab hone ka darr hai jab ke jang samne hai) kya hum bans ke khapchi se zibah kar sakte hain? Aap (Sallallahu Alaihi Wasallam) ne farmaya, jo cheez bhi khoon baha de aur zabiha par Allah Ta'ala ka naam liya gaya ho, to is ke khane mein koi haraj nahi. Siwaye dant aur nakhun ke. Is ki wajah mein tumhein batata hoon. Dant to haddi hai aur nakhun Habshiyon ki churi hai
.

Hum se Abu-ul-Waleed ne bayan kiya, kaha hum se Shuba ne bayan kiya, un se Humaid Bin Hilal ne aur un se Abdullah Bin Mugaffal (Radi Allahu Anhu) ne bayan kiya ke hum Khaibar ke mahal ka muhasara kiye hue thay. Kisi shakhs ne ek kuppi phainki jis mein charbi bhari hui thi. Mein ise lene ke liye lapka, lekin mud kar jo dekha to paas hi Nabi Kareem (Sallallahu Alaihi Wasallam) maujood thay. Mein sharm se pani pani ho gaya
.

Hum se Abul Waleed Hisham Bin Abdul Malik ne bayan kiya ‘ kaha hum se Shuba Bin Hajjaj ne bayan kiya ‘ (dusri sanad) aur mujh se Abdullah Bin Muhammad ne bayan kiya ‘ kaha hum se Wahb Bin Jarir ne bayan kiya ‘ in se Shuba ne bayan kiya ‘ in se Humaid Bin Bilal ne aur in se Abdullah Bin Mughaffal Radi Allahu Anhu ne bayan kiya ke hum Khaibar ka muhasara kiye hue thay ke kisi shakhs ne chamre ki ek kuppi phenki jis mein charbi thi ‘ mein ise uthane ke liye dora lekin mein ne jo mur kar dekha to Nabi Kareem Sallallahu Alaihi Wasallam maujood thay. Mein sharm se pani pani ho gaya
.