Hum se Mualla bin Asad ne bayan kiya, kaha hum se Abdul Aziz yani Ibn al-Mukhtar ne bayan kiya, unhein Musa bin Uqbah ne khabar di, kaha ke mujhe Salim ne khabar di, unhon ne Abdullah bin Umar razi Allahu anhuma se suna aur in se Rasool Allah salla Allahu alaihi wasallam ne ke Aap salla Allahu alaihi wasallam ki Zayd bin Amr bin Naufal se Maqam e Balad ke nasheebi hisse mein mulaqat hui. Yeh Aap salla Allahu alaihi wasallam par wahi nazil hone se pehle ka zamana hai. Aap ne woh dastar-khwan jis mein gosht tha jise in logon ne Aap ki ziyafat ke liye pesh kiya tha magar in par zibah ke waqt buton ka naam liya gaya thu, Aap ne usay Zayd bin Amr ke samne wapas farma diya aur Aap salla Allahu alaihi wasallam ne farmaya ke tum jo janwar apne buton ke naam par zibah karte ho main unhein nahi khata, main sirf isi janwar ka gosht khata hoon jis par (zibah karte waqt) Allah ka naam liya gaya ho.

Mujh se Muhammad Bin Abi Bakr ne bayan kiya, kaha hum se Fuzail Bin Sulaiman ne bayan kiya, un se Musa ne bayan kiya, un se Salim Bin Abdullah ne bayan kiya aur un se Abdullah Bin Umar Radi Allahu Anhuma ne ke Nabi Kareem Sallallahu Alaihi Wasallam ki Zaid Bin Amr Bin Nufail Radi Allahu Anhu se (wadi) Baldah ke nasheebi ilaqa mein mulaqat hui, ye qissa nuzool-e-wahyi se pehle ka hai, phir Nabi Kareem Sallallahu Alaihi Wasallam ke samne ek dastar khwan bichaya gaya to Zaid Bin Amr Bin Nufail ne khane se inkar kar diya aur jin logon ne dastar khwan bichaya tha un se kaha ke apne buton ke naam par jo tum zibeeha karte ho mein ise nahi khata mein to bas wahi zibeeha khaya karta hoon jis par sirf Allah ka naam liya gaya ho, Zaid Bin Amr Quraish par un ke zibeehe ke bare mein aib lagaya karte aur kehte thay ke bakri ko paida to kiya Allah Ta'ala ne, isi ne is ke liye aasman se pani barsaya hai isi ne is ke liye zameen se ghaas ugai, phir tum log Allah ke siwa doosre (buton ke) naamon par ise zibah karte ho. Zaid ne ye kalmat in ke in kaamon par itiraz karte hue aur in ke is amal ko bahut bari ghalati qarar dete hue kahe thay
.